Umutoza w’ikipe ya AS Onze Créateurs Demba Mamadou aratangaza ko ataje I Kigali kugarira ko ahubwo aje gushaka ibitego kuko igitego kimwe yatsinze Rayon Sports kidahagije isaha n’isaha Rayon Sports yacyishyura.
Ku gicamunsi cyo kuri uyu wa Kane saa 15h akavura karimo kajojoba nibwo ikipe ya AS Onze Créateurs igizwe n’abantu bagera kuri 24 basesekaraga ku ikibuga mpuzamahanga cya Kanombe baje gukina umukino wo kwishyura na Rayon Sports.
Umutoza w’iyi kipe Demba Mamadou yabwiye itangazamakuru ko (...)

Sponsored Ad

Umutoza w’ikipe ya AS Onze Créateurs Demba Mamadou aratangaza ko ataje I Kigali kugarira ko ahubwo aje gushaka ibitego kuko igitego kimwe yatsinze Rayon Sports kidahagije isaha n’isaha Rayon Sports yacyishyura.

Ku gicamunsi cyo kuri uyu wa Kane saa 15h akavura karimo kajojoba nibwo ikipe ya AS Onze Créateurs igizwe n’abantu bagera kuri 24 basesekaraga ku ikibuga mpuzamahanga cya Kanombe baje gukina umukino wo kwishyura na Rayon Sports.

Umutoza w’iyi kipe Demba Mamadou yabwiye itangazamakuru ko mu bibazanye kugarira bitarimo.

Yagize ati"tuje gukina umukino wo kwishyura na Rayon Sports, ntago tuje kugarira ahubwo tuje gushaka ibitego, Rayon Sports ni ikipe ikomeye turabizi yaratugoye turi muri Mali uburyo ikina twarabubonye. Ntago igitego kimwe aricyo wavuga ngo uje kugarira."

Iyi kipe icumbitse mu Kiyovu muri hoteli ya Hill View, ikaba yakoreye umwitozo wa mbere kuri Stade ya Kigali Nyamirambo, ikaba ejo izakorera kuri Stade Amahoro.

Umukino ubanza iyi kipe yari yatsindiye Rayon Sports muri Mali igitego 1-0, umukino wo kwishyura uteganyijwe kuri uyu wa Gatandatu tariki ya 18 Werurwe 2017.