Umutoza wa Entincelles Ruremesha Emmanuel, ufite umukino uramuhuza n’ ikipe ya APR FC kuri uyu wa Gatandatu tariki ya 1 Mata 2017, yavuze ko uyu mukino utaraba woroshye kuko ngo APR iraza mu kibuga imeze nk’ intare yakomeretse ishaka insinzi.
Ni umukino w’umunsi wa 22 wa shampiyona uzabera kuri Sitade Rubavu.
Nk’ uko tubikesha ikinyamakuru Imvaho Ruremesha yavuze ko APR FC izaza ari intare yakomeretse ishaka gutsinda kugira ngo igerageze gusatira Rayon Sports ya mbere iyirusha amanota 11. (...)

Sponsored Ad

Umutoza wa Entincelles Ruremesha Emmanuel, ufite umukino uramuhuza n’ ikipe ya APR FC kuri uyu wa Gatandatu tariki ya 1 Mata 2017, yavuze ko uyu mukino utaraba woroshye kuko ngo APR iraza mu kibuga imeze nk’ intare yakomeretse ishaka insinzi.

Ni umukino w’umunsi wa 22 wa shampiyona uzabera kuri Sitade Rubavu.

Nk’ uko tubikesha ikinyamakuru Imvaho Ruremesha yavuze ko APR FC izaza ari intare yakomeretse ishaka gutsinda kugira ngo igerageze gusatira Rayon Sports ya mbere iyirusha amanota 11.

Yagize ati ’’Guhura na APR FC imaze iminsi itakaza na byo ni ikibazo gikomeye, ariko natwe twari tumaze igihe tutitwara neza ari nabyo biduha gushyiramo ingufu kuri uyu mukino’’.

Uyu mutoza azakina uyu mukino yizeye ko rutahizamu we Kambale Salita Gentil yagarutse mu bihe bye nyuma yo kugira imvune n’ibibazo byo mu muryango. Ruremesha yanzuye yemeza ko uyu uzaba ari umukino w’ishiraniro ku makipe yose azaba ashaka kuva mu bihe bibi amazemo iminsi.

Ati ’’Ntekereza ko uzaba ari umukino urimo ishyaka ku mpande zombi, twese dushaka gutsinda, twese dushaka kugarura icyizere ku bakunzi bacu. Nka twe abafana bamaze iminsi batishimye ”.

Umutoza mukuru wa APR FC Jimmy Mulisa, avuga ko yiteguye kwitwara neza ashingiye ku byo yagiye akosora mu bakinnyi be abinyujije mu mikino ya gicuti yakinnye harimo n’uwo yatsinzemo Isonga FC 1-0 ku wa Gatatu taliki 29 Werurwe 2017.

Ati ’’Tumaze iminsi tutitwara neza ariko urabona ko ubutumwa maze iminsi mpa abakinnyi banjye barimo barabwumva, ibyo mbasaba barimo kubikora kandi harimo ishyaka bimpa icyizere cy’uko dushobora kwitwara neza mu mikino iri imbere”.

APR FC kuri ubu iri ku mwanya wa kabiri n’amanota 41 mu gihe Etincelles FC ari iya 8 n’amanota 26.