Umutoza wa Rayon Sports,Haringingo Francis Christian yabwiye abafana bayo ko bagomba kuzajya kureba umupira wayo na Kiyovu Sports ku wa Gatanu nta bwoba bafite kuko bazawutsinda.
Kuri uyu wa kabiri tariki 8 Ugushyingo 2022 Rayon Sports yakoreye iyi myitozo ku Ruyenzi guhera saa cyenda z’amanywa.
Umutoza Haringingo yabwiye abanyamakuru ko umwuka uri mu ikipe ari mwiza ndetse ko abafana bagomba kuzajya kureba umupira wayo na Kiyovu Sports nta bwoba bafite.
Ati "Navuga ko imyiteguro imeze (…)

Umutoza wa Rayon Sports,Haringingo Francis Christian yabwiye abafana bayo ko bagomba kuzajya kureba umupira wayo na Kiyovu Sports ku wa Gatanu nta bwoba bafite kuko bazawutsinda.

Kuri uyu wa kabiri tariki 8 Ugushyingo 2022 Rayon Sports yakoreye iyi myitozo ku Ruyenzi guhera saa cyenda z’amanywa.

Umutoza Haringingo yabwiye abanyamakuru ko umwuka uri mu ikipe ari mwiza ndetse ko abafana bagomba kuzajya kureba umupira wayo na Kiyovu Sports nta bwoba bafite.

Ati "Navuga ko imyiteguro imeze neza,morali irahari urebye uko tumeze muri shampiyona,uko abakinnyi bameze,morali irahari.

Ni umukino w’abakeba,ikipe ikomeye turi kurwanira igikombe,imikino nk’iyo iba igoye ariko natwe turi kwitegura kandi ndatekereza ko tuzaba tumeze neza.

Abajijwe icyafashije Rayon Sports kuba itaratakaza inota na rimwe,Umutoza Haringingo yagize ati "N’ugukorera hamwe,mu mutwe abakinnyi bameze neza.Ntabwo twatangiye neza ariko birimo kuza.Nubwo tutaragera ku rwego twifuza navuga ko aho tugeze n’umusaruro dufite biraduha icyizere."

Abajijwe ubutumwa yaha abafana,Haringingo yagize ati "Bazaze ku mukino nta bwoba bafite,nibaza yuko ikipe dufite ubu turi tayali,hashize imikino 6 tubereka ko turi tayali.Kuba bamaze iminsi baza ku mukino tukabashimisha no ku mukino wa Kiyovu tuzakora ibishoboka byose kugira ngo batahe bishimye."

Abakinnyi basanzwe baravunitse Rwatubyaye Abdul, Mbirizi Eric na Osalue Rapfael ntibakoranye imyitozo n’abandi kuri uyu wa kabiri.

Umutoza wa Rayon Sports, Haringingo Francis yabwiye itangazamakuru ko abo bose bidashoboka ko bazakina umukino wa Kiyovu Sports.

Yavuze ko Blaise Nishimwe na Onana bari mubo bari kugerageza kureba niba bazabasha gukina uwo mukino nyuma y’uko batari bakinnye umukino wa shampiyona batsinze Sunrise FC 1-0.