skol
Kigali

Umutoza wanyuze mu Rwanda yashimagije Carlos Alos Ferrer wahawe gutoza Amavubi

Imyidagaduro   Yanditswe na: Dusingizimana Remy 31 March 2022

Uwahoze ari umutoza wa Mukura VS ndetse akanahabwa akazi ko gutoza mu ishuri ryigisha umupira rya FC Barcelona,yavuze ko u Rwanda rwabonye umutoza mwiza kuko yakoranye na Carlos Alos Ferrer uherutse guhabwa akazi ko gutoza Amavubi.

Uyu mugabo uzi neza umupira w’u Rwanda yavuze ko uyu munya Espagne w’imyaka 47 ari umutoza mwiza ndetse ashimagiza abayobora umupira w’u Rwanda ko rwahisemo neza.

Yagize ati "Nibyo numvise amakuru ko u Rwanda rwafashe umutoza Carlos Alos nk’umutoza w’Amavubi.Nibyo uwo mutoza ndamuzi hari ahantu twakoranye kandi nakurikiranye amakuru ye mu makipe yanyozemo nka za FAR Rabat....

N’umuntu uzi akazi ke kandi akunda akazi ke.N’umuntu ufitwe ubwenge n’ubushobozi bw’akazi.Afite urukundo rw’akazi akora kandi akorana ishyaka n’ingufu zose afite.

N’umutoza wafasha u Rwanda kuko azi igikenewe kugira ngo umukinnyi ave ku rwego rumwe ajye ku rundi,yaba ku giti cye cyangwa n’ikipe.Ku bwanjye navuga ko u Rwanda rwahisemo neza."

Kuwa 29 Werurwe 2022 nibwo Ishyirahamwe ry’Umupira w’amaguru mu Rwanda [FERWAFA] ryemeje ko Umunya-Espagne, Carlos Alós Ferrer ariwe mutoza mushya w’Amavubi usimbura Mashami Vincent wari umaze imyaka isaga itatu n’igice atoza Ikipe y’Igihugu.

Uyu Munya-Espagne w’imyaka 47 yahawe amasezerano y’umwaka umwe ushobora kuzongerwa.

Inkuru y’itangazwa ry’uyu mugabo ntiyanyuze benshi mu bakunzi ba ruhago mu Rwanda ahanini bitewe n’ubunararibonye bwe buke ndetse no kuba nta yindi kipe y’igihugu yigeze atoza.

Carlos Alos Ferrer, yavutse tariki 21 Nyakanga 1975 avukira mu gace ka Tortosa ari na ho yatangiriye umupira w’amaguru. Carlos ntabwo yakinnye ku rwego rwo hejuru kuko yavuye mu ikipe y’abato ya Tortosa, azamurwa mu nkuru mu 1993.

Mu 1996 yayivuyemo yerekeza mu ikipe ya La Senia ayivamo ajya muri Alaves B, ahava yerekeza muri Don Benito, nyuma muri 2001 agaruka muri Tortosa.

Mu bijyanye n’ubutoza Carlos yahereye mu ikipe y’abato ya Amposta ubwo ni 2003-05, 2005-07 atoza Roquetenc ariko ayitoza anakina. Kuva mu 2007 kugera mu 2021 ku ikipe ya Neon Paralimni yaherukaga gutoza, Carlos nta kipe n’imwe ararenza umwaka ayitoza.

Uyu mutoza muri 2007 ubwo yahabwaga gutoza ikipe ya Tortosa yayivuyemo mu 2008. Nyuma y’aho muri 2010 yahawe ikipe ya Kitchen, ariko nayo mu 2011 yari yayivuyemo kare.

Carlos yagarutse mu kazi mu 2015 atoza ikipe ya Pogon Siedlce ayitoza iminsi 123, atozamo imikino 10 atsindwa 7, anganya 2 atsinda 1 aba aragiye.

Ikipe yagiriyemo ibihe byiza ni Kairat Almaty yo muri Kazakhstan yatwaranye nayo igikombe cy’igihugu, ari na cyo gikombe rukumbi afite mu mateka ye.

Yayitoje imikino 47 atsindamo 33, anganya 4, atsindwa 10, aha ni muri 2017. Muri 2018 Kazakhstan imaze kubona uwo musaruro yamuhaye ikipe y’igihugu y’abato, ariko yarinze ayivamo nta mukino w’irushanwa atoje.

Muri 2019 nibwo Carlos Alos Ferrer yaje muri Afurika gutoza ikipe ya FAR Rabat yo muri Maroc.

Iyi kipe yayigezemo tariki 21 Mutarama 2019 ayivamo tariki 30 Kamena 2019, bivuze ko nibura iminsi 160 yari ihagije ngo ave ku mugabane wa Afurika.

Gusa bucyeye bwaho tariki 1 Nyakanga 2019 Carlos yasinye mu ikipe ya Qatar SC ayivamo muri uwo mwaka tariki 22 Nzeri, bivuze ko yayimazemo iminsi 83 ari nayo kipe yamazemo igihe gito kuva yatangira umwuga w’ubutoza.

Tariki 21 Nzeri 2020, Carlos Alos Ferrer yasinye mu ikipe ya En Paralimniou yo muri Cyprus ayivamo tariki 26 Werurwe 2021.Iyi kipe yayitoje imikino 27 atsindamo 7, anganya 6, atsindwa 14.

Iyi kipe yayisize ku mwanya wa 13 ndetse birangira imanutse mu cyiciro cya 2, ku nshuro yayo ya kabiri kuva yashingwa.

En Paralimniou niyo kipe uyu mutoza wahawe Amavubi yaherukaga gutoza, akaba agiye kubaka andi mateka ye mu gihe cy’umwaka hano mu Rwanda.

Carlos akunze gukinisha abakinnyi 3 inyuma, 5 hagati ndetse na ba rutahizamu 2. FERWAFA yavuze ko yatoje muri La Masia,ishuri rya FC Barcelona ariko yari mu ishuri ryo muri Poland ntabwo ari iyi Catalonia.

Mu makipe y’ibihugu makuru,nta bunararibonye na buke afite bivuze ko ntaho ataniye na Jonathan Mckinstry watoje Amavubi akayageza aho benshi mu Banyarwanda bise "Kure hashoboka".

Amakuru avuga ko Carlos Alós Ferrer wagahawe azajya ahabwa umushahara uri hagati ya 17.000$ - 20.000$; kongeraho amafaranga yo kumutunga, byose bikangana na 25.000$ ni ukuvuga hafi miliyoni 30 Frw ku kwezi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rutahizamu Joao Felix aravugwaho gutwarwa umukunzi na mugenzi...

Rutahizamu wa Atletico Madrid,Joao Felix aravugwaho kuba ari mu gahinda...
19 May 2022 0

AS Kigali ishaka kwisubiza igikombe cy’Amahoro yageze ku mukino wa...

AS Kigali ifite igikombe giheruka cy’Amahoro yatwaye muri 2019 itsinze...
18 May 2022 0

"...ubu imikino tuzayakira"-Minisitiri w’Intebe avuga ku gukinira imikino...

Minisitiri w’Intebe, Dr Ngirente Edouard,yagiranye ikiganiro n’abanyamakuru...
18 May 2022 0

Masudi Djuma yarwanye n’umukinnyi we bose bahabwa ibihano bikarishye

Umutoza Masudi Irambona Djuma ufite izina rikomeye mu mupira w’amaguru muri...
18 May 2022 0

Reba ubwiza bwa Hoteli Real Madrid izacumbikamo mu Bufaransa igihe gukina...

Ikipe ya Real Madrid ntizacumbika i Paris ku mukino wa nyuma wa UEFA...
18 May 2022 0

"Mushimishe abanyarwanda nkuko ingabo zacu zibikora" - Lt Gen Mubarakh...

Ku gicamunsi cyo kuri uyu wa kabiri tariki 17 Gicurasi 2022, umuyobozi wa...
18 May 2022 1