skol
Kigali

Umuyobozi wa APR FC yatangaje ko Kapiteni Jacques agomba guhanwa bitandukanye

Imyidagaduro   Yanditswe na: Rebecca UFITAMAHORO 19 April 2022

Ubuyobozi bwa APR FC bwatangaje ko kapiteni w’iyo kipe, Jacques Tuyisenge, ari mu bihano bishobora no gutuma asezererwa kubera imyitwarire mibi.


Mu minsi ishize nibwo hamenyekanye amakuru y’uko rutahizamu w’ikipe ya APR FC, akanayibera kapiteni Tuyisenge Jacques, yavuye mu mwiherero w’ikipe akagenda ntawe asabye uruhushya.

Kuri ubu ubuyobizi bw’iyo kipe buvuga ko kuba ari umuyobozi w’abandi bakinnyi agomba guhanwa birenze uko abandi bahanwa, bityo ko ari mu bihano bunahishura ko ashobora gutandukana n’iyo kipe.

Aganira n’itangazamakuru, Lt Gen Mubarakh Muganga yavuze ko ibyo Tuyisenge yakoze atari ibintu byoroshye, cyane ko ari umuyobozi w’abandi bakinnyi.

Yagize ati "Jacques Tuyisenge yavuye mu mwiherero adasabye uburenganzira kandi ni kapiteni ashobora kuvugana n’uwo ari we wese, icyo gikorwa rero ntabwo twagifashe nk’ikintu cyoroshye kuko ni kapiteni. Kapiteni agomba guhanwa birenze iby’abandi, ari mu bihano rero igihe tuzumva ko bihagize tuzabamenyesha muzaba mubibona mu kibuga."

Umuyobozi wa APR FC yongeyeho ko JacquesTuyisenge akiri umukinnyi wabo, ariko ko igihe yazasezererwa bazabitangaza.

Ati "Twe rero (APR FC) nta mukinnyi kamara cyangwa abakinnyi kamara, utagaragaje imyitwarire isabwa tumushyira mu bihano byaba ngombwa tukamusezerera. Uyu munsi rero Jacques Tuyisenge ni umukinnyi wacu ntabwo twari twamusezerera, umunsi twamusezereye tuzabibabwira."

Tuyisenge umaze igihe atagaragara muri APR FC ari kugana ku musozo w’amasezerano ye, azarangirana n’uyu mwaka w’imikino wa 2021-2022, dore ko yayigezemo muri Nzeri 2020 ariko akaba mu myaka ibiri ayimazemo ataratanze umusaruro yari yitezweho, yewe bikaba biri no mu byatumye abura umwanya wo gukina bivugwa ko biri mu byo yapfuye n’umutoza Adil Mohamed wa APR FC.

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abubakar Lawal wifuzwaga na benshi mu Rwanda yigiriye muri Vipers...

Rutahizamu w’umunya-Nigeria Abubakar Lawal uherutse gusoza amasezerano...
3 July 2022 0

Hamenyekanye amakipe 3 ashaka Cristiano Ronaldo muri iyi mpeshyi

Nyuma yo gusaba Ubuyobozi bwa Manchester United,Cristiano Ronaldo arifuzwa...
3 July 2022 0

Cristiano Ronaldo yasabye Manchester United kumurekura akigendera

Inkuru zikomeje gucicikana ko Cristiano Ronaldo yasabye ikipe ya Manchester...
2 July 2022 0

Basketball: U Rwanda rwatsinzwe na Sudan y’Epfo mu mukino warebwe na...

Ikipe ya Sudani y’Epfo yatsinze u Rwanda amanota 73 kuri 63 mu rugendo rwo...
1 July 2022 0

Mohamed Salah yahawe akayabo k’Umushahara yongera amasezerano muri...

Umukinnyi Mohamed Salah yongereye amasezerano mu ikipe ya Liverpool kugeza...
1 July 2022 0

Mbappe yatunguranye kubera amagambo yavuze kuri Cristiano Ronaldo na...

Rutahizamu wa PSG,Kylian Mbappe avuga ko kugera ku rwego rwa Messi na...
1 July 2022 0