skol
Kigali

Umwuka ukomeje kuba mubi mu ikipe ya Chelsea

Imyidagaduro   Yanditswe na: Dusingizimana Remy 10 May 2022

Ikipe ya Chelsea irimo guhangana n’umwuka mubi uri mu rwambariro nyuma y’uko bitangajwe ko abanyamerika bamaze kuyigura miliyari 4.25 z’amapawundi.

Umutoza Thomas Tuchel yarakajwe cyane nuko abakinnyi be basigaye bitwara nabi niko kubashyiriraho imyitozo yihariye ndetse apanga inama y’ikipe ku munsi wabo w’ikiruhuko - nyuma y’amasaha 24 banganyije ibitego 2-2 na Wolves.

Biravugwa ko umutoza Tuchel yateranye amagambo na Marcos Alonso ukina inyuma ku ruhande rw’ibumoso, wasimbuwe mu gice cya mbere cyumukino.

Chelsea irahakana gushwana hagati y’aba bombi ariko amakuru avuga ko Alonso yumva ko yagizwe igitambo mu kwerekanakwitwara nabi kw’ikipe.

Myugariro w’umunya Espagne yumva ko umutoza yagaye imbaraga yashyize mu mukino kandi imikinishirize y’umutoza ari yo nyirabayazana yatumye batakaza amanota.

Alonso yemera uburenganzira bw’umutoza bwo kumukura mu kibuga kandi ngo ashaka gukina umukino w’ejo na Leeds kugira ngo ashyire ibyabaye ku ruhande.

Tuchel arakajwe nuko abakinnyi be badashobora kwikura mu gihirahiro cyatwaye batakaza amanota icumi mu mikino itanu iheruka bikaba biri gushyira umwanya wa gatatu bafite muri shampiyona mu mazi abira.

Chelsea irashaka gutsinda Liverpool ku mukino wa nyuma wa FA Cup no gutwara igikombe muri uyu mwaka w’imikino kandi irashaka no kugaruka mu bihe byiza.

Amakuru aturuka kuri Stamford Bridge avuga ko abakinnyi batishimiye uko bafashwe kandi bamaze gukina imikino 59 muri uyu mwaka w’imikino wabagoye.

Ariko Tuchel yiyemeje guhindura ibintu, kabone niyo byaba bisaba kuba hamwe n’ikipe ye ku biro bya Chelsea bya ’Surrey HQ".

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Jado Castar yakiriwe byihariye kuri Radio n’abakunzi be bamuhaye akayabo...

Bagirishya Jean de Dieu uzwi nka Jado Castar mu mwuga w’itangazamakuru...
17 May 2022 0

Minisitiri Aurore yashimiye ikipe ya Gisagara VC yitwaye neza muri...

Minisitiri wa Siporo, Hon. Munyangaju Aurore Mimosa yashimiye ikipe...
17 May 2022 0

Umukinnyi wa Newcastle yakukiye iryinyo mu mukino bahuyemo na...

Rutahizamu wa Newcastle United, Callum Wilson yakuriwe iryinyo mu mukino...
17 May 2022 0

Xhaka yibasiye abakinnyi bagenzi be bitwaye nabi Arsenal igatakaza umwanya...

Umukinnyi wo hagati Granit Xhaka yibasiye bagenzi be ba Arsenal nyuma yo...
17 May 2022 0

GISAGARA VC yakoze amateka muri shampiyona ya Afurika y’amakipe

Ikipe ya Gisagara VC yegukanye umwanya wa 3 muri shampiyona ya Afurika...
16 May 2022 0

Umutoza mushya wa United yasubije abamubajije niba azakorana na Cristiano...

Umutoza mushya wa Manchester United,Erik ten Hag yatangaje ko yifuza cyane...
16 May 2022 0