Uwahoze ari icyamamare muri Premier League, Asamoah Gyan, yategetswe guha uwahoze ari umugore we amazu abiri n’imodoka ebyiri - nyuma y’aho urukiko rwemeje ko ariwe wabyaye abana batatu bafitanye.

Rutahizamu Gyan yatsinze ibitego 11 mu mikino 37 yakiniye Sunderland nyuma y’aho iyi kipe imuguze miliyoni 13 z’ama pound mu ikipe ya Rennes muri 2010.

Uyu wahoze ari umukinnyi mpuzamahanga wa Ghana yari amaze imyaka itanu ahangana mu nkiko n’uwaahoze ari umukunzi we Gifty.

Yategetswe gupimisha ADN nyuma yo kuvuga ko abana bafitanye atari abe.

Urukiko rukuru rwa Accra ubu rwatangaje ko uyu mugabo w’imyaka 37 ari we se w’abo bahungu batatu.

Rwategetse uyu wamamaye mu gikombe cy’isi cya 2010 guha Gifty amazu ye ari mu Bwongereza na Accra, ndetse n’imodoka nziza zirimo iya BMW na Infiniti.

Uwahoze ari umukinnyi agomba kandi kumuha isambu muri Ghana yakuye kuri sitasiyo ya lisansi.

Gyan yabwiwe kandi kwishyura Gifty ama Cedi 25.000 angana na miliyoni zirenga 7 FRW buri kwezi yo kumufasha kurera abahungu babo.

Gyan afite agahigo ko guhamagarwa inshuro 109 muri Ghana. Yamanitse inkweto muri Kamena nyuma yo gutandukana n’ikipe y’iwabo yitwa Legon City.

Uyu mukinnyi kandi yakinnye mu makipe yo mu Butaliyani, Abu Dhabi, Ubushinwa, Dubai, Turukiya n’Ubuhinde.