• Makenzi agiye kumara amezi 3 adakandagira mu kibuga kubera imvune
• Makenzi yavunikiye muri Gor Mahia
• Makenzi yabazwe ku Kagombambari taliki ya 09 Ukwakira 2017

Myugariro Nizigiyimana Karim uzwi nka Makenzi agiye kumara amezi atatu adakina kubera imvune yagize mu kagombambari ku mukino ikipe ye ya Gor Mahia yakinaga na Mathare United kuwa 14 Ukwakira 2017.

Uyu musore wabazwe ku wa 09 ukwakira 2017 yatangarije ikinyamakuru Indundi.com cy’iwabo mu Burundi ko imvune ye izamara amezi 3 ndetse ko atacyitabiriye CECAFA y’ibihugu izabera muri Kenya mu mpera z’uku kwezi.

Uyu musore wabagiwe mu bitaro byo mu mugi wa Nairobi yavunitse amaze guhesha ikipe ya Gor Mahia igikombe cya shampiyona ndetse byari byitezwe ko azahamagarwa n’umutoza Niyungeko Alain Olivier w’ikipe y’igihugu y’intamba ku rugamba.