Inama Njyanama y’Ishyirahamwe Nyafurika ry’umupira w’Amaguru ‘CAF’ yashyize hanze urutonde rw’abasifuzi 24, abungiriza babo 25 ndetse n’abakora kuri VAR bane. Kuri urwo rutonde hasohotseho Uwikunda Samuel na Mutuyimana Dieudonné

Inama Njyanama y’Ishyirahamwe Nyafurika ry’umupira w’Amaguru ‘CAF’ yashyize hanze urutonde rw’abasifuzi 24, abungiriza babo 25 ndetse n’abakora kuri VAR bane. Kuri urwo rutonde hasohotseho Uwikunda Samuel na Mutuyimana Dieudonné.

Uwikunda Samuel na Mutuyimana Dieudonné ni abasifuzi basanzwe ari mpuzamahanga ku buryo bitatunguranye kuba bakwisanga kuri uru rutonde. Uru rutonde kandi ruriho Umunyarwanda Ntagungira Célestin uri muri batandatu bazakurikirana ibikorwa b’Abasifuzi ku kibuga.

Mutuyimana Dieudonné yasohotse kuri uru rutonde nk’umusifuzi uzaba yungirije, naho umusifuzi Uwikunda Samuel we azasifura mu kibuga hagati muri iyi CHAN 2023.

Aba basifuzi bazasifura imikino ya CHAN 2023 izaba yahuriwemo n’amakipe 18 agabanyije mu matsinda atanu, ikaba izatangira tariki ya 13 Mutarama 2023 ikageza tariki ya 04 Gashyantare 2023, ikazabera muri Algeria.

Amahugurwa y’aba batoza azatangira kubera i Cairo mu Misiri tariki ya 17 Ugushyingo kugeza tariki ya 22 Ugushyingo 2022.

Igihe.com