Umukinnyi Roberto Firmino yavuye mu kibuga ku munota wa 75 nyuma yo gushingwa urutoki mu maso na myugariro Jan Vertonghen mu mukino wa shampiyona y’Ubwongereza Premier League yakinwaga ku munsi wa Gatanu.

Sponsored Ad

Muri uyu mukino wabereye I Wembley ukarangira Liverpool itsinze Tottenham ibitego 2-1,hagaragayemo igikorwa giteye ubwoba kuko myugariro wa Tottenham Vertonghen yashinze urutoki mu jisho rya rutahizamu Firmino bikarangira avuye mu kibuga.

Benshi mu bafana ba Liverpool basabye ko uyu myugariro wa Tottenham yafatirwa ibihano bihambaye kuko yashatse kumugaza uyu rutahizamu wa Liverpool.

Ubwo aba bombi barimo barwanira umupira,Vertonghen yazamuye ukuboko urutoki rwe arujomba mu jisho rya Firmino atabishaka byatumye uyu musore asohorwa mu kibuga igitaraganya asimburwa na Jordan Henderson.

Nubwo Firmino yari akuwemo ijisho na Vertonghen,yatsindiye Liverpool igitego muri 2-1 batsinze Tottenham,aho yaje yunganira Wijnardum wafunguye amazamu mu gihe igitego cy’impzamarira cya Tottenham cyatsinzwe na Erik Lamela.

Kuva shampiyona yatangira Liverpool ntiratakaza inota na rimwe kuko imaze gutsina imikino yose uko ari 5,yon a Chelsea FC yanyagiye Cardiff 4-1.