skol
Kigali
Fortebet

Volleyball: Umunyamabanga Nshingwabikorwa wa FRVB n’umubitsi wayo barafunze (yavuguruwe)

Imyidagaduro   Yanditswe na: 9 February 2017

Hatumimana Christian, Umunyamabanga Nshingwabikorwa wa FRVB

Umunyamabanga Nshingwabikorwa w’Ishyirahamwe ry’Umukino wa Volleyball mu Rwanda (FRVB) Hatumimana Christian n’umubitsi w’iri shyirahamwe Uwera Jeannette bafungiye kuri sitasiyo ya Polisi ya Kicukiro aho bakurikiranyweho icyaha cyo kunyereza umutungo waryo.

Kuva ejo hashize kuwa gatatu tariki ya 8 Gashyantare 2017 nibwo aba bombi bafashwe na Polisi bakurikiranyweho icyaha cyo kunyereza umutungo wa FRVB.

Umuvugizi wa Polisi y’u Rwanda mu Mujyi wa Kigali SP Emmanuel Hitayezu yatangarije Umuryango ko Hatumimana Christian na Uwera Jeanette bafunze bakekwaho icyaha cyo kunyereza umutungo, bakaba bafungiye kuri sitasiyo ya Polisi ya Kicukiro.

Yagize ati:"Nibyo koko Umunyabanga Nshingwabikorwa wa Federation ya Volleyball mu Rwanda arafunze kuva ku munsi w’ejo, akaba akurikiranyweho icyaha cyo kunyereza umutungo, afunganywe na tresorier (umubitsi)".

Andi makuru Umuryango wamenye ni uko na Perezida wa FRVB uherutse gutorwa, Nkurunziza Gustave (wari unasanzwe ariyobora muri manda ishize) nawe yaba ari kubazwa na Polisi muri iki kibazo.

Ntacyo Polisi yadutangarije kuri aya makuru. Umuvgizi wa Polisi mu Mujyi wa Kigali yabwiye Umuryango ko iperereza rigikomeje.

Amakuru Umuryango wamenye ni uko amafaranga abafunzwe bakekwaho kunyereza yaba yarakoreshejwe muri ruswa yahawe inteko itora ngo hatorwe abakandida Hatumimana yashakaga mu matora ya komite yabaye taliki 4/2/2017.

Umwe mu bari biyamamarije kujya muri komite ya FRVB mu matora aheruka yatangarije Umuryango ko inteko itora yahawe amafaranga n’ubuyobozi bwa FRVB ngo ihe amajwi abo bashaka ko bari butorwe.

Amafaranga ngo akaba yaratangiwe muri kamwe mu tubari twa Nyabugogo, abitabiriye amatora batoye bamaze kuyahabwa. Uyu mukandida utaragize amahirwe yo gutora avuga ko Hatumimana ariwe ubwe wayijyaniye Nyabugogo.

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Haruna Niyonzima yabwiye amagambo yihariye umutoza w’Amavubi wongeye...

Umukinnyi Haruna Niyonzima yashimiye umutoza Carlos Alos wongeye...
18 August 2022 0

Mussa Camara yagarutse muri Rayon Sports yahesheje shampiyona

Rutahizamu ukomoka muri Mali,Mussa Camara yamaze gusinya amasezerano...
18 August 2022 0

Caleb wifujwe na Rayon Sports cyane yabonye ikipe ikomeye

Ikipe Kaizer Chiefs yo muri Afurika y’Epfo yatangaje ko yamaze gusinyisha...
18 August 2022 0

"Manchester United y’uyu mwaka niyo mbi kurusha iheruka kumanuka mu cyiciro...

Uwari Kapiteni wa Manchester United ubwo iheruka kumanuka muri 1974...
18 August 2022 0

MINISPORTS ntirishyura Amavubi agahimbazamusyi ka CHAN 2020

Hashize umwaka urenga "Amavubi ageze muri 1/4 cya CHAN 2020 yakinwe muri...
18 August 2022 0

Rayon Sports yasinyishije abakinnyi 2 barimo umunyezamu wa Yanga...

Rayon Sports imaze gutangaza ko yasinyishije amasezerano y’umwaka umwe,...
18 August 2022 0