skol
Kigali

Wa mukobwa ukinira PSG washinjwaga guteza abagizi ba nabi mugenzi we bakinana yarekuwe

Imyidagaduro   Yanditswe na: Dusingizimana Remy 13 November 2021

Umukinnyi wo hagati mu ikipe ya Paris St-Germain y’abagore,Aminata Diallo, yarekuwe nta cyaha agishinjwa mu gihe abapolisi bakomeje iperereza ku ihohoterwa ryakorewe mugenzi we bakina ku mwanya umwe Kheira Hamraoui.

Muri iki cyumweru, Diallo yatawe muri yombi ajya kubazwa n’abapolisi ariko arekurwa ku wa kane nta byaha aregwa kandi biteganijwe ko azakomeza imyitozo hamwe n’iyi kipe.

Itangazp ikipe ya PSG yashyizwe ahagaragara ku wa kane rigira riti: “Paris St Germain yamenye irekurwa rya Aminata Diallo nyuma yo gufungwa. Ikipe ishyigikiye abakinnyi bayo kugirango babashe gutsinda aya makuba kandi igarure vuba umutuzo.

Paris St Germainihanze amaso ubutabera kugira ngo bubashe gutanga umucyo kuri ibi byabaye. Iyi kipe irashimira abantu bose kuba bagaragaje kwifata, bakubaha ko uregwa ashobora kuba ari umwere n’ubuzima bwite bw’ikipe. "

Aminata Diallo amaze guhamagarwa inshuro zirindwi mu ikipe y’ubufaransa.Aminata

Umuntu wari uziranye na Diallo nawe wabajijwe na polisi na we yarekuwe nta cyaha aregwa.

Umwunganizi w’uwo mugabo, Frédéric Lalliard, yabwiye AFP ati: "Nta ruhare na rumwe yari afite muri iki gitero.Yasobanuye ko yari azi abo bakinnyi bombi kandi ko yari yarigeze kuvugana nabo kuri telefoni, ariko ntaho ahuriye n’iki gikorwa.”

Ku wa gatanu, Diallo na Hamraoui ntibagaragaye mu myitozo.

Igipolisi cyo mu karere ka Versailles kirimo gukora iperereza ku gitero cyagabwe kuri Hamraoui, wakuwe mu modoka ya Diallo akubitwa icyuma ku maguru n’abagabo babiri bipfutse mu maso ku ya 4 Ugushyingo. Abo bagabo barahunze ntibarafatwa.

Ibitangazamakuru byo mu Bufaransa byatangaje ko iki gitero cyagabwe nyuma y’ikirori cyabereye muri resitora hafi ya Bois de Boulogne mu burengerazuba bwa Paris.

Abakinnyi bose ba PSG y’abakobwa n’abakozi b’ikipe bari bitabiriye ibirori. Diallo yari atwaye Hamraoui n’undi mukinnyi mu rugo ubwo bategwaga n’aba bagizi ba nabi.

L’Équipe yatangaje ko mu rugendo, ubwo imodoka yegeraga kwa Hamraoui, yakuwemo n’abantu babiri baribambaye masike, umwe muri bo atangira kumukubita bikabije, amukubita amaguru akoresheje ibyuma, mbere yo guhunga. Iki gitero ngo cyamaze iminota mike bituma Hamraoui akenera kudodwa amaguru n’amaboko, bivuze ko ibi byatumye abura mu mukino na Real Madrid bakayitsinda 4-0.Diallo yakinnye mu mwanya we.

Amakuru avuga ko Diallo yakubitishije Hamraoui kugira ngo amutware umwanya wo gukina mu ikipe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

"Ndumva mbabaye"-Robert Lewandowski avuga uko yakiriye kudahabwa Ballon...

Rutahizamu wa Bayern Munich,Robert Lewandowski,yahishuye ko afite agahinda...
7 December 2021 0

Suarez yahishuye impamvu ikomeye iri gutuma Messi atitwara neza muri...

Rutahizamu wa Atletico Madrid,Luis Suarez yatangaje ko impamvu iri gutuma...
6 December 2021 0

Masudi Djuma yahaye igisubizo abafana ba Rayon Sports bamusabiye...

Umutoza wa Rayon Sports,Masudi Irambona Djuma,yabwiye abafana ba Rayon...
6 December 2021 0

Umutoza wa Senegal yabwiye amagambo akomeye Klopp utoza Liverpool wibasiye...

Umutoza w’ikipe y’igihugu ya Senegal yasubije mu magambo akomeye umutoza wa...
6 December 2021 0

APR FC yasezerewe igeze ku muryango w’amatsinda ya CAF Confederations...

Ikipe ya APR FC yananiwe kugera mu matsinda ya CAF Champions League nyuma...
5 December 2021 0

Rayon Sports yongeye kuba insina ngufi imbere ya Kiyovu Sports

Ikipe ya Rayon Sports ikomeje kujya mu bihe bibi muri shampiyona y’u Rwanda...
5 December 2021 0