Uwahoze ari umukinnyi wa Chelsea na Arsenal, Willian yavuye mu ikipe ya Corinthians yo muri Brazil nyuma yo kwakira kenshi ubutumwa bw’iterabwoba abwirwa ko azicwa.
Uyu mukinyi w’imyaka 34 yahagaritse amasezerano ye na Corinthians kugira ngo abashe kugaruka muri Premier League mu ikipe ya Fulham.
Uyu mukinnyi umaze guhamagarwa inshuro 70 muri Brazil, yagize ati: "Ntabwo naje muri Brazil ngo nterwe ubwoba.
Igihe cyose Corinthians yatsinzwe n’igihe ntitwaye neza mu mukino, umuryango wanjye (...)

Sponsored Ad

Uwahoze ari umukinnyi wa Chelsea na Arsenal, Willian yavuye mu ikipe ya Corinthians yo muri Brazil nyuma yo kwakira kenshi ubutumwa bw’iterabwoba abwirwa ko azicwa.

Uyu mukinyi w’imyaka 34 yahagaritse amasezerano ye na Corinthians kugira ngo abashe kugaruka muri Premier League mu ikipe ya Fulham.

Uyu mukinnyi umaze guhamagarwa inshuro 70 muri Brazil, yagize ati: "Ntabwo naje muri Brazil ngo nterwe ubwoba.

Igihe cyose Corinthians yatsinzwe n’igihe ntitwaye neza mu mukino, umuryango wanjye uterwa ubwoba,ugatukwa ku mbuga nkoranyambaga.

Umugore wanjye, abakobwa banjye,batangiye kwibasira data na mushiki wanjye."

Uyu mukinyi w’imyaka 34 yatsinze igitego kimwe mu mikino 45 kuva yerekeje muri Corinthians avuye muri Arsenal mu mpeshyi ishize.

Willian yibasiwe na bamwe mu bafana kubera imikorere mibi mu kibuga,nyuma y’aho Corinthians isezerewe mu marushanwa abiri akomeye mu byumweru bishize, nubwo iyi kipe iri ku mwanya wa kabiri muri shampiyona ya Brazil.

Iyi kipe yasohoye itangazo rigira iti: "Corinthians yemeye kurekura umukinnyi, binyuze mu gusesa masezerano.

Willian yavuze ko afite ibibazo bye ku giti cye n’umuryango we ndetse ashaka kuva muri Brazil. Corinthians iramwihanganishije, ariko yubashye icyemezo cy’umukinnyi. ”

Ubu Willian yagarutse kuba i London n’umuryango we.