Mu ijoro ryo wa 28 Kanama 2022, Pierre-Emerick Aubameyang wamamaye mu makipe arimo na Arsenal yatewe n’abajura bane bitwaje imbunda mu rugo rwe.
Muri iki gitero giteye ubwoba cyagabwe iwe,Aubameyang yakubiswe icyuma ndetse azirikirwa imbere y’umugore we n’abana nkuko ibinyamakuru bibitangaza.
Aba bagizi ba nabi binjiye mu nzu ya Aubameyang banyuze mu busitani bahita batangira kumutera ubwoba binyuze mu kumutunga imbunda hanyuma bamusaba gufungura agasanduku karimo imikufi ye ya zahabu (...)

Sponsored Ad

Mu ijoro ryo wa 28 Kanama 2022, Pierre-Emerick Aubameyang wamamaye mu makipe arimo na Arsenal yatewe n’abajura bane bitwaje imbunda mu rugo rwe.

Muri iki gitero giteye ubwoba cyagabwe iwe,Aubameyang yakubiswe icyuma ndetse azirikirwa imbere y’umugore we n’abana nkuko ibinyamakuru bibitangaza.

Aba bagizi ba nabi binjiye mu nzu ya Aubameyang banyuze mu busitani bahita batangira kumutera ubwoba binyuze mu kumutunga imbunda hanyuma bamusaba gufungura agasanduku karimo imikufi ye ya zahabu n’ibintu bihenze barabitwara.

Uyu wahoze ari rutahizamu wa Arsenal w’imyaka 33, n’umugore we Alysha Behague batunzwe imbunda n’ibyuma umwanya munini ndetse uyu mugabo arakubitwa.

Bivugwa ko aba bashakanye baboshywe banambikwa amapingu. Auba yakubiswe icyuma ku kananwa mu gihe umugore we Alysha yakubiswe mu mutwe.

Bivugwa ko baryamye hasi isaha irenga imbere y’abana babo, Curtys w’imyaka 11, na Pierre w’imyaka itandatu.

Alysha, ufite imyaka 36, ​​yahatiwe gufungura agasanduku kari kuzuyemo ibintu by’agaciro birimo imikufi, abajura barayitwara.

Aba bajura bakimara kwiba bahise bahunga bava mu rugo rw’uyu mukinnyi wa FC Barcelona bari mu modoka ya Audi A3 yera.

Alysha yatangaje ko iki gitero cyagabwe mu gace ka Castelldefels muri Catalonia, abapolisi barimo gukora iperereza.

Ubujura bwabaye ahagana mu ma saa saba z’ijoro - nyuma y’amasaha make Aubameyang adakoreshejwe mu mukino ikipe ye yatsinze Real Valladolid ibitego 4-0.

Yaba we cyangwa Alysha ntabwo bakomeretse bikabije. Bombi bavuze ko bameze neza" ubwo babazwaga kuri uyu wa Mbere.

Biboneka ko bombi banze kujya mu bitaro kugira ngo abana babo batagira ubwoba bwinshi.

Aya mabandi yaburiwe irengero.