skol
Kigali

Zinedine Zidane ari mu mazi abira kubera ikosa rikomeye ashinjwa n’ubuyobozi

Imyidagaduro   Yanditswe na: Dusingizimana Remy 19 October 2020

Abayobozi batandukanye ba Real Madrid barakariye cyane umutoza wabo Zinedine Zidane kubera ukuntu yarekuye James Rodriguez ariko akaba ari kwitwara neza mu ikipe ya Everton.


Aba bayobozi ba Real Madrid batunguwe cyane n’urwego rwo hejuru umukinnyi James Rodriguez ariho muri Everton nyamara akiri mu ikipe yabo yari umukinnyi utabona umwanya wo gukina.

Uyu munya Colombia w’imyaka 29 niwe uyoboye imikinire ya Everton ndetse ari kurema uburyo bubyara ibitego bwinshi cyane ariyo mpamvu abayobozi ba Real Madrid barakariye Zidane utaramuhaye icyizere.

Mu mikino 5 amaze gukinira Everton,James Rodriguez,yatsinze ibitego 3 ndetse ubu iyi kipe ye iyoboye Premier League.

Ikinyamakuru AS cyatangaje ko bamwe mu bayobozi ba Real Madrid batari kureba neza Zidane kubera ukuntu yafashe nabi uyu mukinnyi akamurekura nabi cyane.

Icyakora uyu siwe mukinnyi mwiza Zinedine Zidane yafashe nabi ndetse akamwohereza mu Bwongereza kuko Gareth Bale, Sergio Reguilon na Dani Ceballos nabo bari muri Premier League.

Rodriguez yakinnye imikino 8 gusa muri La liga ishize,kuko Zidane atigeze amubonamo impano yamufasha guhangamura amakipe.

Nyuma yo gukorana na Carlo Ancelotti muri Madrid na Bayern Munich,Rodriguez yongeye guhura n’uyu mwarimu we muri Everton none bari kwihaniza amakipe.

Rodriguez amaze gutanga imipira 3 yavuyemo ibitego ndetse akomeje kwerekana ko atiteguye guhagarika kuremera ibitego Everton ishaka kongera kuba ikipe ikomeye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Manchester United iritegura kurekura abakinnyi 7 muri Mutarama...

Ikipe ya Manchester United irateganya kugurisha muri Mutarama 2022...
19 September 2021 0

CAFCC:AS Kigali yanyagiye Olympique de Missiri-Sima yerekeza mu cyiciro...

Ikipe ya AS Kigali yasezereye Olympique de Missiri-Sima yo muri Comoros mu...
18 September 2021 0

U Rwanda rushobora kwirukanwa mu gikombe cy’Afurika cya Volleyball kubera...

Ishyirahamwe ry’umukino wa Volleyball ku isi,FIVB, ryanze kumva ugutakamba...
18 September 2021 0

"N’ubwa mbere Rayon Sports igiye gukinisha abakinnyi batari ku rwego...

Umutoza mushy wa Rayon Sports Masudi Djuma yatangaje ko uyu mwaka iyi kipe...
18 September 2021 0

Umukinnyi wa Manchester City yatsinze igitego se ahita apfa

Myugariro Nathan Ake wa Manchester City yatangaje ko igitego cye cya mbere...
18 September 2021 0

Umutoza Tuchel yakoze benshi ku mutima kubera ibyo yakoreye umukozi we wo...

Umutoza wa Chelsea,Thomas Tuchel,yakoze benshi ku mutima kubera igikorwa...
17 September 2021 0