skol
Kigali

Zinedine Zidane yahishuye impamvu yanze gutoza Manchester United

Imyidagaduro   Yanditswe na: Dusingizimana Remy 23 June 2022

Umutoza Zinedine Zidane yasobanuyeko impamvu adashobora gutoza Manchester United ari uko atazi ururimi rw’Icyongereza kandi ngo ntiyatoza ikipe atumvikana n’abakinnyi bari mu kibuga.

Nubwo mu mwaka ushize byatangajwe ko uyu munyabigwi mu mupira w’amaguru yifuzwa cyane ku kibuga Old Trafford,kizigenza Zinedine Zidane wagize isabukuru y’imyaka 50 yavuze ko atatoza ikipe atumvikana n’abakinnyi ku rurimi.

Uyu mugabo wahoze akina hagati mu kibuga yavuze ku cyifuzo cye cyo gusubira mu butoza nyuma yo gutoza inshuro ebyiri Real Madrid.

Uyu mugabo ntabwo yagaragaye cyane mu mupira w’amaguru kuva avuye muri Los Blancos ku nshuro ya kabiri umwaka ushize kugirango aruhuke.

Zidane yavuzwe nk’umusimbura wa Ole Gunnar Solskjaer wirukanwe mu Gushyingo umwaka ushize. Akazi kaje guhabwa Ralf Rangnick by’agateganyo kugeza umwaka w’imikino urangiye, ubwo Erik Ten Hag yagirwaga umusimbura wa burundu wa Solskjaer.

Hari amakuru yavuze ko Zidane atashishikajwe no gutoza muri Premier League bitewe n’Icyongereza cye gike,gusa bivugwa ko kuba abakinnyi nka Raphael Varane na Cristiano Ronaldo bakina muri United byatuma yisubiraho akayerekezamo.

Igitangaje nuko uyu wahoze ari umutoza wa Madrid atigeze aba umukandida ukomeye wo kwerekeza Old Trafford.

Mu kiganiro Zidane yagiranye na Marca, yagize ati: "Naba narashatse kujya muri Manchester [United]? Numva Icyongereza, ariko sinzi kukivuga neza. Nzi ko hari abatoza bajya mu makipe batazi kuvuga neza ururimi rwaho,ariko njye nkora mu bundi buryo. Ibintu byinshi biza mu mukino kugira ngo dutsinde, niko isi yose imeze. Nziko nkeneye gutsinda. "

Zidane yongeyeho ko hari amakipe “abiri cyangwa atatu” yonyine yaba ari amahirwe ayatoje. Ibi byagaragaye ko byanze bikunze kwerekeza muri Premier League mu kizaza bishobora kutazakunda.

Havuzwe ko amakipe nka Paris Saint-Germain, Juventus, ikipe yigihugu y’Ubufaransa ndetse no kuzasubira muri Real Madrid bishoboka ko ari mu yo yahitamo.

Uyu munyabigwi mu myaka mike ishize yahesheje ikipe ya Real Madrid 3 zikurikiranya gusa ntabwo byoroha kwemera akazi aho abonye hose.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Reba abakinnyi 5 bahabwa amahirwe yo kwegukana Tour de France ihatse andi...

Kuri uyu wa gatanu,tariki ya 1 Ukwakira 2022 nibwo irushanwa rikundwa...
30 June 2022 0

"Baduhaye akazi gakomeye"-Adil Mohamed yakuriye ingofero ikipe ya Kiyovu...

Umutoza wa APR FC, Adil Mohammed Erradi,yatangaje ko yanyuzwe n’imyitwarire...
30 June 2022 0

"Nishimiye ko natanze Byose"-Umunyabigwi muri Basketball Aristinde Mugabe...

Abinyujije ku mbuga nkoranyambaga ze,Umunyabigwi muri Basketball y’u Rwanda,...
30 June 2022 0

Sunrise FC yegukanye Igikombe cya shampiyona y’icyiciro cya kabiri

Ikipe ya Sunrise FC yegukany Igikombe cya Shampiyona y’Icyiciro cya Kabiri...
29 June 2022 0

Umukinnyi wa PSG yatewe n’ibisambo bimwiba ibintu bifite agaciro k’asaga...

Polisi iri guhiga bukware abajura bivugwa ko binjiye mu nzu ya Marco...
29 June 2022 0

Biravugwa: APR FC yamaze kumvikana na myugariro wari uhetse Rayon...

Biravugwa ko APR FC yamaze gusinyisha myugariro Niyigena wakiniraga Rayon...
29 June 2022 0