Umunyabigwi Zinedine Zinedine wahoze atoza ikipe ya Real Madrid, yameneye ibanga rikomeye bamwe mu nshuti ze aho yababwiye ko ubushomeri bumurambiye ndetse yiteguye kwerekeza mu ikipe ya Manchester United niramuka yirukanye Jose Mourinho.

Sponsored Ad

Uyu mutoza wavuye mu ikipe ya Real madrid gitore,yabwiye inshuti ze ko anyotewe no kwerekeza I Manchester gusimbura Mourinho byayobeye,agahoza amarira abafana ba Manchester United.

Zidane arashaka gutoza Manchester United

Mu minsi ishize nibwo ibinyamakuru byo mu Bwongereza birimo The Sun byatangaje ko uyu mugabo yifuza akazi mu Bwongereza none byongeye gutangaza ko yanze kunigwa n’ijambo abwira inshuti ze z’akadasohoka ko yifuza kwerekeza mu Bwongereza.

Nkuko The Sun ibitangaza,Jose Mourinho yabwiye inshuti ze ko yakabaye ayarasezeye iyo aba atoza indi kipe itari Manchester United kubera ukuntu yamwimye amafaranga yo kugura abakinnyi yari akeneye, bikubitana n’iyi nkuru ya Zidane wabwiye inshuti ze ko arambiwe ubushomeri yifuza kumusimbura.

Mourinho uri mu mazi abira ashobora gusimbuzwa Zidane

Nubwo ubuyobozi bwa Manchester United Buherutse gutangaza ko bushyigikiye umutoza Jose Mourinho,amakuru akomeje gukwirakwiza ko mu minsi iri imbere ashobora kwirukanwa agasimbuzwa iki cyamamare Zidane cyahesheje Real madrid ibikombe byinshi birimo 3 bya UEFA Champions League yatwaye yikurikiranya,mu myaka 2 n’igice cyayimazemo.