Rutahizamu Zlatan Ibrahimovic yanenze Kylian Mbappe kubera kubera imyitwarire ye muri Paris Saint-Germain aho ngo yiyumva ko aruta ikipe.
Ibrahimovic yamaze imyaka ine atwara ibikombe mu murwa mukuru w’Ubufaransa, aho yegukanye 12 byo mu gihugu birimo ibikombe bine bya shampiyona.
Uyu mugabo ukunze kugira imvuga zituma benshi bacika ururondogoro yongeye kugaruka mu binyamakuru aho yanenze imyitwarire ya Mbappe muri PSG nyuma yo kongererwa amasezerano adasanzwe.
Amakuru arambuye (...)

Sponsored Ad

Rutahizamu Zlatan Ibrahimovic yanenze Kylian Mbappe kubera kubera imyitwarire ye muri Paris Saint-Germain aho ngo yiyumva ko aruta ikipe.

Ibrahimovic yamaze imyaka ine atwara ibikombe mu murwa mukuru w’Ubufaransa, aho yegukanye 12 byo mu gihugu birimo ibikombe bine bya shampiyona.

Uyu mugabo ukunze kugira imvuga zituma benshi bacika ururondogoro yongeye kugaruka mu binyamakuru aho yanenze imyitwarire ya Mbappe muri PSG nyuma yo kongererwa amasezerano adasanzwe.

Amakuru arambuye y’amasezerano ye yashyizwe ahagaragara mu mezi ashize, aavuga ko yatwaye iyi kipe agera kuri miliyoni 317 z’amapawundi.

Ibi byatumye benshi bacika ururondogoro mu Bufaransa, bagenzi be ndetse n’abanyamakuru banenga ububasha yahawe, ndetse bikaba byaratumye Mbappe avugwaho gushaka kugenda mu kwezi gushize.

Zlatan yagaragaje ko Mbappe yigize mukuru kurusha iyi kipe, ikintu atemeranya na gato.

Ibrahimovic yabwiye Canal Sport mu Bufaransa ati: "Mbappe yishyize mu mwanya yiyumva nk’ingenzi kurusha ikipe. Ariko ntushobora na rimwe kuba mukuru kuruta ikipe kuko bitabaho."

Uyu munya Suwede ntabwo ari gukina kubera imvune yagize mu ntangiriro z’uyu mwaka, kandi ntazagaruka mu kibuga kugeza mu ntangiriro za 2023.

Muri shampiyona iheruka yakinnye afite imvune ubwo Milan yatwaraga igikombe cya mbere mu myaka icumi ishize, aho aheruka kugaragara mu mukino wa nyuma wa shampiyona.

Ku myaka ye 41,imvune zaramwibasiye ndetse uyu ushobora kuba umwaka wa nyuma tubona rimwe mu mazina akomeye kandi azwi cyane muri ruhago.