skol
Kigali

Umunyarwanda 2T Reggae Man yatumiwe muri ‘’Zanzibar Reggae Festival’ kubera umwihariko we

Imyidagaduro   Yanditswe na: Dusingizimana Remy 21 July 2021

Umuhanzi Ntakirutimana Felecien wamamaye nka 2T Reggae Man ari mu myiteguro yo kwerekeza muri Tanzania mu iserukiramuco rizabera I Zanzibar. Uyu muhanzi avuga ko abamutumiye babanje kumwigaho basanga ari we ukwiriye gususurutsa abazaryitabira.


2T ni umuhanzi ukora umuziki wo mu njyana ya Reggae na Dancehall. Kuri ubu ari kubarizwa muri Kenya aho ari kwitegura kuzitabira Zanzibar Reggae Festival’’ iserukiramuco rifite umwihariko wo guha abazaryitabira umuziki wo mu njyana ya Reggae.

Mu kiganiro yahaye Umuryango.rw yagize ati:’’Mbere yo kuntumira babanje kureba uko ibitaramo nkora byitabirwa, uko nitwara ku rubyiniro (stage performance) ndetse ku rundi ruhande ni byiza kuko bigaragaza ikizere uba ufitiwe n’abategura ibitaramo.Mbere yo kuguhitamo bafata umwanya wo ku kwigaho barebeye ku bikorwa wakoze mbere, nawe urabyumva ko igihe ubona umuhanzi ananiwe ntiwamuha stage yawe noneho ngo umuhe n’umwanya munini wo kuba ku rubyiniro(stage).’’

2T Reggae Man azitabira ibitaramo biteganyijwe ku matariki ya 7 na 8 Kanama 2021.

Yahawe kuririmba isaha imwe aho azaririmba indirimbo zisaga 10. Ati:’’ Ndabizi ko iminota 60 ari myinshi kuri stage uririmba ubyina...ariko mpora niteguye Kandi nagize igihe kinini cyo kwitegura, kuko na concerts njya nkora hirya no hino aba ari isaha imwe cyangwa ikanarenga(abafana bange bo basanzwe babizi). Nditeguye Physically, vocally, mentally & strategically nk’umu RASTA w’umunyarwanda.”

2T avuga ko atazajyana na Band ye nkuko yabyifuzaga ahubwo azasangayo abamucurangira kandi bari gukorana mu myitozo basubiramo ibihangano bye.

Ati:’’ Aka wa mugabo wo muri Bibiliya wagize ati: "simfite ifeza n’izahabu ariko icyo mfite ndakiguha mw’izina rya Yesu w’i Nazareti".... Nange simfite ifeza n’izahabu ariko ikindimo nzakibaha mw’izina ry’uwandemye Kandi nizera(Imana/Jah/Jehovah/Jahweh/Allah). Nange rero nzabaha ubutumwa bw’amahoro n’urukundo Kandi ibyo biva ku Mana(nyagasani akomeze kubimfashamo”.

2T Reggae Man asaba abantu kumukurikira ku mbuga nkoranyambaga ze mu rwego rwo kuzabasha gukurikira ibyo bitaramo azakorera muri Tanzania mu mujyi wa Zanzibar nk’umwe mu birwa bifite ubwiza buhebuje kandi bisurwa cyane muri icyo gihugu.

Kanda iyi link ukurikirane 2T Reggae Man kuri Instagram:www.instagram.com/p/CRlIMtzAjua/?utm_medium=share_sheet

Reba Indirimbo Baby Lea ya 2T Reggae Man:


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amateka y’umuhanzikazi w’umunyabigwi Cecile Kayirebwa wujuje imyaka 75...

Umuririmbyi, umusizi, umubyinnyi, n’umwanditsi w’indirimbo…uyu ni umwe mu...
22 October 2021 0

Hashyizwe hanze amabwiriza agenga abitabira amakoraniro n’Utubyiniro

Nyuma y’aho Inama y’Abaminisitiri yanzuye ko utubyiniro n’ibitaramo...
15 October 2021 0

Abantu 113 barimo Papa Cyangwe bafashwe barenze ku mabwiriza yo kwirinda...

Umuraperi Papa Cyangwe n’umuhanzikazi Ariel Wayz bari mu bantu 113 bafashwe...
10 October 2021 0

Indirimbo ya Meddy yakunzwe cyane yasibwe kuri You Tube

Indirimbo umuhanzi Meddy yafatanyije na Otile Brown wo muri Kenya "Dusuma"...
7 October 2021 0

Kidum yavuze ukuntu se yamubujije kujya ku rugamba nyuma y’urupfu rw’inshuti...

Umuhanzi Nimbona Jean Pierre ukundwa na benshi mu batuye EAC kubera izina...
1 October 2021 0

Diamond Platnumz arashinjwa ibinyoma ku mutungo we avuga ko...

Umunya Tanzania Naseeb Abdul Juma,uzwi cyane ku izina ry’ubuhanzi rya...
1 October 2021 0