skol
Kigali
Fortebet

Burna Boy yashatse gutwara umugore w’abandi bitera akavuyo karasiwemo abantu

Imyidagaduro   Yanditswe na: Dusingizimana Remy 13 June 2022

Polisi ya Lagos yafunze abapolisi batanu bari kumwe n’umuririmbyi, Damini Ogulu, uzwi ku izina rya Burna Boy, kubera kurasa abagabo 2 barimo uwitwa Irebami Lawrence wari waje mu kabyiniro ari kumwe n’umukunzi we akanga ko uyu muhanzi amumutwara.

Raporo yibanze y’ishami rya polisi rya Bar Beach, ivuga ko ibibazo byatangiye ubwo uyu muhanzi n’abapolisi batanu bari bamuherekeje basuraga ako kabyiniro nijoro ahagana saa kumi za mugitondo ku ya 8 Kamena.

Abapolisi bagera kuri bane bategerereje hanze mu gihe umwe muri bo witwa Inspecteur Ibrahim,yaherekeje uyu muhanzi wegukanye igihembo cya Grammy muri ako kabyiniro.

Nk’uko byatangajwe n’abatangabuhamya benshi, uyu muhanzi yari yicaye mu gice cya VIP hamwe n’abagore batatu igihe yabonaga undi mugore wazanye nundi mugabo akamwifuza.

Bivugwa ko yabwiye Ibrahim gutumira uwo mugore ngo aze abasange.

Icyakora, bivugwa ko umugabo w’uwo mugore bashakagayamaganye uyu muhanzi, ashimangira ko ari agasuzuguro ku mugabo uwo ari we wese gushaka kumuteretera umugore bari kumwe.

Nyuma y’iminota mike, Burna Boy ngo yigiriye kwirebera uyu mugore.

Ibi byarakaje cyane uyu mugabo we n’inshuti ze bari bateraniye muri aka kabyiniro.

Umupolisi mukuru yagize ati: "Ibintu byahinduye isura hanyuma Ibrahim azana imbunda ya masotera y’akazi arasa inshuro nyinshi mu gihe Burna Boy yarimo guseka."

Muri icyo gikorwa, Lawrence w’imyaka 27 yarashwe ku kibero mu gihe inshuti ye, Tolu, yafashwe n’isasu mu mutwe. Ibi byateje akajagari muri club.

Burna Boy n’abarinzi be ngo bahise berekeza kuri imwe mu mitungo ye iri ahitwa Lekki-Epe Expressway mbere yo kwerekeza ahitwa Lekki Phase 1.

Umuyobozi mukuru mu biro bya komiseri wa polisi muri Lagos yagize ati“Burna Boy yari azi ibyo yakoze, yafashe indege yihuse atabimenyesheje abapolisi bamurindaga. Gusa yabahamagaye kuri videwo kugira ngo abamenyeshe ko yagiye muri Espagne. Abapolisi bamuherekeje bose batawe muri yombi, ubu bakaba bari ku cyicaro gikuru."

Amakuru aturuka hafi y’abari kumwe n’uwahohotewe avuga ko uyu mupolisi yagerageje kurinda Burna Boy kubera izina yubatse mu gihe abahohotewe barimo kuvurirwa ibikomere byabo ku bitaro bya Lagos State University Teaching Hospital biri Ikeja.

Umuvandimwe w’uwahohotewe, wavuze ko yitwa Jide, yavuze koumuvandimwe we yabazwe kugira ngo akurwemo isasu yarashwe mu kibero ndetse ngo yiteguraga ubukwe kuko yari asanzwe aba muri Amerika ndetse ngo yari amaze icyumweru kimwe ageze iwabo kwitegura ibirori.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umubyeyi wa Esther na Ezekiel arishimira imyaka 7 amaze mu rukundo n’umugore...

Umuhanzikazi w’indirimbo zo kuramya no guhimbaza Imana muri Uganda akaba...
29 July 2022 0

B Threy yahawe umutsima uriho ibirango by’igihingwa gisa n’Urumogi...

Mu ijoro ryo kuri uyu wa Gatatu ni bwo umuraperi Miheto Bertrand,uzwi nka B...
28 July 2022 0

Yvan Buravan yagiye kwivuriza muri Kenya indwara abaganga bo mu Rwanda...

Burabyo Dushime Yvan wamamaye mu muziki nka Yvan Biravan, yerekeje mu...
19 July 2022 0

Jennifer Lopez n’umukunzi we Ben Affleck bashyize hanze amafoto y’ubukwe...

Umuhanzikazi Jennifer "JLo" Lopez yemeje ko yashakanye na Ben Affleck,...
18 July 2022 0

Skol yashyizeho irushanwa ry’abaririmbyi rizahemba uwahize abandi gukorera...

Skol yatangije ku mugaragaro andi marushanwa yitezweho guha amahirwe...
12 July 2022 0

Paul Okoye [Rudeboy] yajyanwe mu nkiko n’umugore we umushinja gusambanya...

Umuhanzi Paul Okoye uzwi nka Rudeboy wo mu itsinda rya P-Square,yajyanwe mu...
2 July 2022 0