Umuhanzi Davis D uri mu bari gushyira hanze indirimbo zigezweho muri iyi minsi, yatangaje ko agiye gutangira kujya akorana n’itsinda ry’inkumi zizajya zimucungira umutekano mu gihe agiye mu ruhame.
Si ibintu bimenyerewe kubona umukobwa ucungira umutekano icyamamare mu Rwanda, icyakora abakunda gusohokera mu tubyiniro tunyuranye bakunze kubona inkumi zirara zihagaze ku muryango zifasha abagore n’abakobwa baba bagiye kuryoherwa mu bijyanye n’umutekano.
Uyu muhanzi yabwiye IGIHE dukesha (…)

Umuhanzi Davis D uri mu bari gushyira hanze indirimbo zigezweho muri iyi minsi, yatangaje ko agiye gutangira kujya akorana n’itsinda ry’inkumi zizajya zimucungira umutekano mu gihe agiye mu ruhame.

Si ibintu bimenyerewe kubona umukobwa ucungira umutekano icyamamare mu Rwanda, icyakora abakunda gusohokera mu tubyiniro tunyuranye bakunze kubona inkumi zirara zihagaze ku muryango zifasha abagore n’abakobwa baba bagiye kuryoherwa mu bijyanye n’umutekano.

Uyu muhanzi yabwiye IGIHE dukesha iyi nkuru ko yahisemo gukorana n’izi nkumi mu rwego rwo kugaragaza ubushobozi bwabo muri aka kazi ko gucungira umutekano abantu.

Ati “Abanzi neza bazi ko nkunda abakobwa, igishoboka cyose nagikora kugira ngo ngaragaze imbaraga zabo. Nabo barashoboye kandi nabo bakora akazi nk’ako basaza babo bakora.”

Aba bakobwa bamaze gutangira akazi kuko yagaragaye ari kumwe nabo ubwo yajyaga kuri radiyo ya Kiss Fm kumurika indirimbo ye nshya ‘Pose’ aherutse gusohora mu minsi ishize.

Davis D yamenyekanye mu ndirimbo nka Biryogo,Ifarashi,Micro,Dede,Mariya Kaliza n’izindi.