Umuhanzi ukomeye mu njyana ya Bongo Flava, Diamond Platnumz yarokotse ubujura yari agiye gukorerwa.
Kuri iyi nshuro byabereye inyuma y’urubyiniro muri kimwe mu bitaramo aherutse gukorera i Lubumbashi muri Repubulika Iharanira Demokarasi ya Kongo (DRC).
Muri videwo yashyizwe kuri Instagram n’uyu muhanzi, mu ijoro ryo kuri uyu wa 29 Kanama 2022,yagaragaje Diamond yiyaka umufana bivugwa ko yamufashe ukuboko ashaka kumwiba.
Diamond wari urinzwe n’abasore b’ibigango,ubwo yari yerekeje ku (…)

Umuhanzi ukomeye mu njyana ya Bongo Flava, Diamond Platnumz yarokotse ubujura yari agiye gukorerwa.

Kuri iyi nshuro byabereye inyuma y’urubyiniro muri kimwe mu bitaramo aherutse gukorera i Lubumbashi muri Repubulika Iharanira Demokarasi ya Kongo (DRC).

Muri videwo yashyizwe kuri Instagram n’uyu muhanzi, mu ijoro ryo kuri uyu wa 29 Kanama 2022,yagaragaje Diamond yiyaka umufana bivugwa ko yamufashe ukuboko ashaka kumwiba.

Diamond wari urinzwe n’abasore b’ibigango,ubwo yari yerekeje ku rubyiniro,umwe mu bafana yamufashe ukuboko ashaka kumutwara impeta yari yambaye ku kuboko kwe ariko undi amwiyaka n’imbaraga.

Uyu muhanzi uzwi mu ndirimbo Baikoko wari wambaye dungaree, bandana y’icyatsi, n’imikufi ye isanzwe, yari ahagaze ategereje ko bamuhamagara ngo ajye ku rubyiniro ubwo uyu mufana ushinjwa ubujura yamufataga.

Ubwo yiyakaga uyu mufana,umwe mu barinzi be yahise ajya guhangana n’uyu mufana mu gihe abandi bamuherekeje yerekeje ku rubyiniro.

Nubwo ibi byabaye, ntabwo byaciye intege Diamond kuko yagaragaje imbaraga kandi akora icyo yaremewe cyo gushimisha abafana be.

Si ubwa mbere Diamond ahuye n’abajura kuko bindi mu minsi ishize ubwo yari mu gitaramo i Mbeya iwabo Tanzaniya yibwe ibintu bye by’agaciro n’abajura agiye kuririmba.