Mu 2014 nibwo Leta y’u Rwanda yatangije ishuri ry’ubumenyingiro ry’ibijyanye na muzika, iri shuri ryatangiye nk’ayandi mashuri yose ndetse ku ikubitiro ryari rifite abanyeshuri 30 bonyine. Iri ni ishuri ryigisha amasomo atandukanye arimo gucuranga Piano, kuvuza ingoma, gucuranga ubwoko butandukanye bwa guitar, kugorora amajwi bakaririmba, uko umuhanzi yitwara ku rubyiniro, gushyira amanota mu muziki, Injyana gakondo, kuririmbira muri korali, kwandika indirimbo, indimi nk’Igifaransa, (...)

Sponsored Ad

Mu 2014 nibwo Leta y’u Rwanda yatangije ishuri ry’ubumenyingiro ry’ibijyanye na muzika, iri shuri ryatangiye nk’ayandi mashuri yose ndetse ku ikubitiro ryari rifite abanyeshuri 30 bonyine. Iri ni ishuri ryigisha amasomo atandukanye arimo gucuranga Piano, kuvuza ingoma, gucuranga ubwoko butandukanye bwa guitar, kugorora amajwi bakaririmba, uko umuhanzi yitwara ku rubyiniro, gushyira amanota mu muziki, Injyana gakondo, kuririmbira muri korali, kwandika indirimbo, indimi nk’Igifaransa, Icyongereza no gutunganya ibihangano ibizwi cyane nka production. Iri shuri ry’ubugeni rya Nyundo riri mu mashuri yafashije cyane uruganda rwa muzika mu Rwanda kuko hambere wasangaga ushobora kuba ufite iimpano yo kuba umunyamuziki ukomeye ariko ukaba utabasha kubona aho wiga ibijyanye n’ubuhanzi ukunda. Iri shuri ryaje ari igisubizo ndetse ryafashije benshi kuba abahanzi bakomeye mu muziki nyarwanda , muriyi nkuru mutwemerere tugaruke ku bahanzi 10 bazwi mu muziki nyarwanda bize kuri iri shuri.

1. Yverry
Rugamba Yverry ni umwe mu bahanzi banyuze mu ishuri ry’umuziki ku Nyundo. Ni umunyempano ukomeye cyane, ndetse afite ibihangano byiganjemo iby’urukundo bikora ku mitima ya benshi. Uyu muhanzi uri mubi mfura basoje kuri iri shuri yamamaye mu ndirimbo zitandukanye zirimo : Amabanga, Nduwawe , Nk’uko Njya Mbirota , n’izindi nyinshi.

2.Yvan Mpano
Mu busanzwe amazina yiswe n’ababyeyi ni Mutangana Yves , ni umuhanzi nyarwanda wabonye izuba tariki ya 1 Nyakanga 1989, avukira mu Karere ka Nyarugenge. Akaba ari umwana w’imfura mu muryango w’abana babiri b’abahungu. Mu 2011 ubwo yari yitabiriye irushanwa rya Talent Detection nibwo yahuye na producer Lick Lick wari umwe mu bagize akanama nkemurampaka muri iryo rushanwa, Lick yakunze impano yuyu muhanzi wari ukiri muto icyo gihe maze amufasha kumukorera indirimbo ye yambere yise "Wagiye he". Mu mwaka w’i2014 nibwo yinjiye mu ishuri rya muzika ryo ku Nyundo maze aharangiza mu 2017. Uyu muhanzi yamamaye mu ndirimbo nka : Ndabigukundira , nyuma yawe ,amateka , n’izindi nyinshi.

3.ariel wayz
Mu busanzwe amazina yiswe na babyeyi ni Uwayezu Ariel yavukiye mu Karere ka Nyarugenge mu Mujyi wa Kigali mu mwaka w’i 2001. Akaba ari umwana wa gatandatu mu bana barindwi bavukana nawe. Uyu muhanzikazi uzwi mu muziki nyarwanda akaba yarasoje amasomo y’umuziki ku Nyundo mu 2018.

4. kevin kade
Uyu muhanzi uri mu bagezwehoo kuri uyu munsi mu muziki nyarwanda ari mu babashije gukarishya ubwenge mu ishuri ry’umuziki ku nyundo. uretse kuririmba Kevin kade ni umwanditsi w’indirimbo akaba n’umubyinnyi. Azi kandi gucuranga piano, guitar n’ingoma za kizungu.

5.kenny sol
Uyu muhanzi yatangiye kumenyekana cyane ubwo yari umuririmbyi ngenderwaho mu itsinda rya Yemba Voice hamwe na Bill Ruzima ndetse na Moze. Kenny Sol akaba yarrize ku ishuri rya nyundo hagati y’imyaka ya 2016-2018.

6.Igor mabano
Uyu muhanzi ni imfura mu bize muri iri shuri ndetse yari mu bayoboye mu itsinda ry’umuziki ryahavukiye ryitwaga ‘Sebeya band’ gusa iri tsinda ryaje gutatana. Igor yize muri iri shuri hagati y’imyaka yi 2014-2016. Abakunda umuziki nyarwanda bamumenye mu ndirimbo nka : Dear Mashuka , Iyo Utegereza , can we go back, urakunzwe, n’izindi nyinshi.

7.Bill Ruzima
Bill yari muri batatu bari bagize itsinda rya Yemba Voice ryasenyutse mu mwaka w’i2018. Nyuma yahoo Bill Ruzima yatangiye umuziki ku giti cye mu ntangiriro z’umwaka wa 2019 mu rugendo rwe nk’umuhanzi yakozemo indirimbo zitandukanye zirimo ; Imana y’abakundana , simbi ryanjye , munda yisi , n’izindi nyinshi.

8.Mistaek
Uyu muraperi uri mu barimo kuzamuka neza mu muziki nyarwanda nawe yize ku ishuri ry’umuziki ku nyundo. Mistake akaba yarize kuri iri shuri hagati yumwaka wa 2019-2021. Mu muziki nyarwanda abantu benshi bazi uyu muraperi mu ndirimbo zirimo : Ku cyaro, weekend, n’izindi nyinshi.

9.okkama
Uyu muhanzi uri mu bakunzwe cyane mu muziki nyarwanda wuyu munsi nawe yize kuri iri shuri ry’umuziki hagati y’umwaka w’i2018-2021, Okkama akaba azwi mu muziki nyarwanda mu ndirimbo zitandukanye zirimo : iyallah, Toto, puculi, besto, n’izindi nyinshi.

10.symphony band
Symphony Band ni itsinda rigizwe n’abasore bize umuziki ku Ishuri rya Muzika ryahoze riherereye ku Nyundo ubu ryimukiye mu Karere ka Muhanga. Ubuzima bwa symphony band bwose ni umuziki kuko benshi muri bo baba mu nzu imwe irimo icyitwa igikoresho icyo aricyo cyose cya muzika, gusa by’umwihariko bakaba bafite na studio, ku buryo iyo inganzo ibajemo nta kuzuyaza bahita bandika imirongo, bayihuza n’ubuhanga butandukanye bafite. Iri tsinda rikaba rizwi mu muziki nyarwanda mu ndirimbo zitandukanye zirimo : Vanilla, Respect, igitabo ,n’izindi nyinshi. Ngayo nguko! Ku rutonde rwaba hakaba hakwiyongeraho abandi barimo ; City true Karigombe, Tabz, milly, n’abandi benshi.

UMUSOZO!
UMWANDITSI : GLADIATOR OG