Umuraperi Tupac ntazibagirana mu mateka ya muzika ndetse n’injyana ya Hip Hop muri rusange, kuva akiri umwana w’amezi macye munda ya Nyina afeni shakuru atera utugeri ,kugenda ukagera ubwo yari igitambambuga ugakomeza no mu bihe yari amaze kugimbuka , nta muntu numwe mubo bakuranye mu rusisiro rwa Baltimore mu mujyi wa Newyork watekerezaga ko hari umunsi inzoka irabagirana nk’uko izina rye ribisobanura, yashoboraga kuvamo igihangange akaba icyatwa ndetse izina rye rikamamara akarabagirana (...)

Sponsored Ad

Umuraperi Tupac ntazibagirana mu mateka ya muzika ndetse n’injyana ya Hip Hop muri rusange, kuva akiri umwana w’amezi macye munda ya Nyina afeni shakuru atera utugeri ,kugenda ukagera ubwo yari igitambambuga ugakomeza no mu bihe yari amaze kugimbuka , nta muntu numwe mubo bakuranye mu rusisiro rwa Baltimore mu mujyi wa Newyork watekerezaga ko hari umunsi inzoka irabagirana nk’uko izina rye ribisobanura, yashoboraga kuvamo igihangange akaba icyatwa ndetse izina rye rikamamara akarabagirana ku isi yose.

Uyu munsi munyemerere dufungure indi paji tujye muri Leta zunze ubumwe za Amerika turebere hamwe ingingo abenshi batajya basobanukirwa ndetse nuyu munsi bagahorana urujijo kuriyo , ingingo ibaza ngo mu byukuri ninde wishe umuhanzi Tupac ? mu gutegura iyi nkuru nifashishije inyandiko zitandukanye zirimo igitabo cyitwa “Killing of 2Pac Shakur” cyanditwe na Kevin Scoot, iki ni igitabo gisobanura byinshi ku buzima bwa Tupac ndetse n’uburyo yishwe , nifashishije kandi filime mbarankuru "Documentary" yakozwe na television ya Canal+ Premiere iifite umutwe uvuga ngo " QUI A TUÉ TUPAC ? ugenekereje mu kinyarwanda bishatse kuvuga ngo ninde wishe Tupac? , nifashishije kandi filime mbarankuru zatambutse mu binyamakuru birimo ABC News , Aljazeera English , n’izindi nyinshi. Murakaza neza muriyi nkuru.

Mbere yuko tugera ku ngingo yacu nyirizina munyemerere tubanze turebere hamwe ibyingenzi mu nshamake wamenya kuri uyu munyabigwi , mu busanzwe 2Pac Amaru Shakur, yavukiye mu gace ka Baltimore ni mu mujyi wa New York, hari mu mwaka w’i 1971. Nyina umubyara Afeni Shakur yari umwe mu bitwa ba Black Panthers iri ryari itsinda ry’abirabura ryari ryararahiye gutesha umutwe abapolisi ba Leta zunze ubumwe z’ Amerika ndetse n’uwo ari we wese wari ubangamiye umutekano w’abirabura b’Abanyamerika ni cyane ko mu myaka uyu munyabigwi yaboneyemo izuba Umwirabura wabaga muri Leta zunze ubumwe za Amerika yabaga adatekanye afite ubwoba ko isaaha n’isaaha yakwicwa niyo yaba akoze ikosa ritoya. Mu rugendo rw’imyaka 25 yamaze ku isi Tupac yari umuraperi kabuhariwe, umukinnyi wa filime, uvuga rikumvikana , n’ibindi byinshi .

ESE NINDE WISHE TUPAC?

Ku itariki ya 30 Ugushyingo mu mwaka w’i 1994 Tupac ubwo yari agiye muri studio mu mujyi wa Newyork uyu muhanzi yasagariwe n’abagizi ba nabi baramwiba ndetse bamurasa amasasu inshuro eshanu. Tupac yihutanywe kwa muganga aza kuvurwa maze avuye mu bitaro ahita atangazako azi neza ko agambanirwa inshuro nyinshi ndetse ko mu bagize uruhare mu iraswa rye harimo umuraperi The Notorius B.I.G Afatanyije n’uwari umujyanama we mu muziki P diddy ndetse n’abamwe mu bari bagize itsinda Junior Mafia ryari ryarashinzwe na Notorious B.I.G agakubita agatoki ku kandi avugako uwitwa Lil Cease yabigizemo uruhare gusa akavugako azabasubiza mu buryo bwe.

Nyuma yo kurokoka iri raswa ku bwa burembe habuze gato ngo yitabe Imana, Tupac nyuma y’umwaka hafi n’igice yaje kongera kuraswa, biba n’iherezo ry’ubuzima bwe ku isi ya bazima.

Mu gitondo cyo ku itariki ya 7 nzeri mu mwaka w’i 1996, 2Pac yazindutse yerekeza mu mujyi wa Las Vegas ubarizwa muri Leta ya Nevada, kugira ngo abashe kureba umukino w’iteramakofe wari buhuze inshuti ye akaba n’icyamamare Mike Tyson wari burwane na Bruce Seldon. Akigera I Las Vegas mu masaaha ya kumanywa Tupac yahise afata icyumba muri Hotel izwi cyane yitwa Luxal Hotel Casino aba aruhuka ategereje Uwo murwano wari witezwe n’abantu benshi ku buryo MGM Grand Hotel wari kuberamo yari yakubise yuzuye.

mu bantu bari bazanye na Tupac harimo uwari umukoresha we mu nzu ifasha abahanzi ya Deathrow Records ariwe Marion suge knight , Tupac hamwe n’abari bamuherekeje aribo Suge knight ndetse n’umurinzi we Frank Alexander , hamwe n’indi nshuti imwe ya Suge Knight bafashe imyanya mu gice cy’abiyubashye (VIP), aho umwanya umwe wishyurwaga amafaranga 1000 cy’amadorari Ya amerika.

Wa mukino wari utegerejwe n’uruhumbiirajana rwa bantu waje gushyira uratangira maze mu gihe cy’iminota ibiri yonyine Mike Tyson yateye igipfunsi cy’akataraboneka Bruce Seldon ahita agwa hasi ibizwi cyane nka KO maze umukino urangira utyo. Mu mateka y’umukino w’iteramakofe uyu ukaba arumwe mu mikino yihuse cyane yabayeho.

Nyuma yuko umukino urangiye abantu batangiye gusohoka banyuranamo bamwe bijujuta bati umukino wihuse nk’umurabyo abandi bati dukwiye gusubizwa amafaranga yacu kuko nta birori turebye, Tupac , Suge Knight ndetse n’abo bari kumwe batangiye gusohoka maze bageze ku muryango habaho kurwana gutunguranye hagati ya 2Pac na Orlando Anderson umusore wari ikirara cyizwi cyane mu gace ka Compton i California ahazwi cyane nka West Coast , muri ubu bushyamirane Tupac yaje gukubita igipfunsi uyu musore maze yitura hasi maze ahaguruka abwira Tupac ko akoze ikosa rikomeye cyane kandi azabyishyurira ikiguzi gihambaye. Nyuma yuko ibyo birangiye 2Pac yahise yerekeza ku cyumba cya hotel yari yafashe ndetse hari n’umukunzi we Kidada jones bari bamaze amezi ane mu munyenga w’urukundo . 2PAC amaze guhindura imyambaro we na Suge Knight bahise berekeza mu gace ka Paradise Valley mu Mujyi wa Las Vegas, ku nzu y’akataraboneka yuyu Suge Knight.

Ahagana ku isaaha ya saa yine z’ijoro mwiryo joro 2Pac, Suge Knght ndetse n’abarinzi babo, berekeje mu nzu y’urubyiniro Club 662 yari inzu ya suge Knight iherereye ku muhanda witwa Flamingo, aha 2Pac akaba yaragombaga kuririmbana n’itsinda rya Run DMC bikaba byari biteganyijwe ko na Mike Tyson nawe yagombaga kuba ahari mwicyo kirori gito. ubwo yari munzira agana kuri iyi nzu y’urubyiniro, 2Pac yari yicaye mu modoka ya BMW y’umukara Suge Knight ari we umutwaye aho bari baherekejwe n’imodoka 4 zirimo abarinzi babo ndetse na zimwe mu nshuti za Tupac zirimo Yaki Kadafi. ku isaaha ya saatanu zijoro zirengaho iminota micye habura ibirometero bike ngo bagere kuri Club 662, Suge knight wari utwaye imodoka yaje guhagarikwa na Polisi kubera ko yagendaga avuza umuziki mwinshi mu modoka ndetse no kuba imodoka ye itari ifite ibirango biranga nomero yayo bizwi cyane nka "Plaque" ibi bikaba bigaragazwa n’ifoto yafashwe n’umupaparazi wari hafi aho, iyi ikaba ari nayo foto yafashwe bwa nyuma 2Pac akiri muzima.

Ubwo bari Barenze uwo mu polisi imodoka yabo yahise izengurukwa n’izindi modoka ebyiri batazi aho zivuye, imwe imbere, indi inyuma. Iyinyuma yarabasatiriye iciye mu ruhande rw’ibumoso maze abakobwa b’abirabura bane bari bicaye muri iyo modoka bamwenyurira 2Pac ndetse na Suge Knight , maze nabo barabasuhuza. Muri ako kanya bakirimo gusekera abo bakobwa umwe mu basore batatu bari bari mu modoka y’imbere, yahise asohora umutwe mu idirishya ry’imodoka, arekurira urufaya rw’amasasu agera kuri 13 ku modoka 2Pac na Suge Knight bari barimo. nyuma yo kubona amasasu ari menshi cyane 2Pac yashatse guhungira mu mwanya w’inyuma gusa ntibyamukundira kuko yari yambaye umukandara wo mu modoka, bituma ahita afatwa n’amasasu atatu ako kanya. nyuma yuko Tupac yari yararashwe bwa mbere amasasu atanu akaza kurokoka avuye mu bitaro yari asigaye yambara umwenda w’ubwirinzi inshuro zose agiye mu ruhame ni umwenda uzwi cyane nka Anti balles , bivugwako ubwo Tupac yari agiye kuva muri hotel yari acumbitsemo hamwe umukino wabereye umukunzi we Kidada Jones yamugiriye inama yo kwambara umwenda w’ubwirinzi ariko Tupac amubwirako amaze iminsi awambara kandi ntakibazo abona yari yahura nacyo amubwirako akeneye kwidagadura wese atambaye uwo mwenda niko kugenda ntawo yambaye.

mwiryo raswa Suge Knight wari umutwaye we yarashwe ahagana kw’irugu, ndetse n’amapine abiri y’imodoka araraswa. nyuma yuko barashwe ababarashe bahise bava aho bihuta cyane, bafata umuhanda w’ahitwa Coverlane. Mu buhamya Suge knight bari barikumwe iryo joro nyuma yo kurokoka yabwiye Urukiko ko bakimara kuraswa, yabajije 2Pac niba ameze neza, maze ngo bitewe nuko 2Pac yabonaga amaraso menshi ku ijosi rya Suge knight aramusubiza ati ’’Ni njyewe warashwe cyangwa ni wowe? Ndabona bakurashe mu mutwe”. Bitewe no kumva urufaya rw’amasasu menshi Polisi yahise ihagera mu kubaza Tupac uko yumva ameze ndetse niba yaba yabonye uwamurashe yabasubije mu ijambo ry’icyongereza ati " Fuck You" maze polisi ihita ihamagaza imbangukiragutabara berekeza Tupac na Suge Knight kwa muganga.

Nk’uko abaganga babitangaje, ngo mu nzira bagana ku bitaro 2Pac yagendaga avuga ngo ndapfuye, simbasha guhumeka. Kwa muganga bahise bamubaga inshuro eshatu , ngo barebe ko bahagarika kuvira imbere, banamuvanamo igihaha cy’iburyo. uyu munyabigwi yamaze iminsi igera kuri itandatu muri koma arembye gusa ibyamamare birimo :Snoop dogg doggy , MC Hammer, Mike Tyson, Kidada Jones , Jasmine Guy, Pasiteri Hary Chalton ndetse na Mama we Afeni Shakur, basimburanaga kuza kumusura ariko bose bakahava n’amarira menshi.

Bitewe no gukomereka bikabije, kuwa gatanu itariki ya 13 nzeri , saa kumi z’ijoro zirenzeho iminota itatu 2Pac Amaru Shakur umuhanzi wanyuze benshi mu nganzo ye yitabye Imana ku myaka 25 yonyine. mu ma saa kumi n’imwe za mugitondo nibwo umubyeyi we Afeni Shakur yageze ku bitaro ashyikirizwa umurambo w’umuhungu we. nyuma yaho Hakozwe imihango yoroheje i Las Vegas, aho umurambo wa Amaru 2Pac Shakur watwitswe, bikaba bivugwako ivu rye ryahise rijugunywa mu Nyanja. ndetse nta kumushyingura ku mugaragaro byabayeho.

N’ubwo uyu muhanzi yitabye Imana kugeza kuri uyu munsi haracyibazwa icyihishe inyuma y’urupfu rwe. Umwe mu bari inkoramutima ze ariwe Yafeu Kadafi uzwi cyane nka Yaki Kadafi wari no mu bari bamuherekeje igihe yaraswaga, yavuze ko yari yiteguye gutanga ubuhamya, kuko yiboneye n’amaso ye ababarashe, ariko nyuma y’amezi abiri atangaje ibyo nawe umurambo we waje gutoragurwa mu mujyi wa New Jersey.

Bamwe bavuga ko 2Pac yaba yarishwe na zimwe mu nshuti ze za hafi zitari zishyigikiye imyitwariire ye yo muri iyo minsi aho yari umunyarugomo cyane, abandi bakavugako Suge knight yaba ariwe wicishije uyu muhanzi kubera umwenda w’ikirenga yari amubereyemo ndetse akaba yari yaranamubwiyeko agiye kuva mu nzu ifasha abahanzi ya Deathrow Records yayoborwaga nuyu Suge Knight ikindi gituma Suge Knight akomeza gucyekwa ni uburyo mu masasu agera kuri 13 barashwe ubwo yarikumwe na Tupac nta narimwe ryigeze rigira icyo rimutwara ni cyane ko ahantu yarashwe ari isasu ryamuhushuye ku irugu gusa , ku rundi ruhande hacyekwa cyane Umuhanzi Notorious B.I.G bari bafitanye amakimbirane mwiyo minsi bikavugwako yanababajwe cyane n’amagambo Tupac yakoresheje mu ndirimbo ye yitwa Hit em up yibasira uyu muhanzi gusa notorious biggie yaje guhakana kuba yaba yaragize uruhare urwo arirwo rwose mu iraswa rya Tupac aho yabigarutseho mu kiganiro cya nyuma yakoze akiri ku isi ya bazima mu mwaka w’i 1997 ubwo yajyaga mu mujyi wa California, usibye Notorious mu bandi bacyekwa cyane harimo Puff Daddy wari umuyobozi wa Badboy Records inzu ifasha abahanzi yari yarashinze, imwe mu mpamvu Puff Daddy acyekwa ngo bivugwako Tupac yaba yararyamanye n’uwahoze ari umugore wa P diddy ariwe Kim Porter ngo bikaba ari kimwe mu bintu byababaje P diddy ku buryo yaba ari mu bagiriye nabi Tupac, usibye icyo hiyongeraho kandi indirimbo Hit em up mwiyi ndirimbo Tupac yibasiyemo Puff daddy nabyo bikaba imwe mu mpamvu yamuteye kwanga cyane Tupac ku buryo yamugirira nabi. Ibi bakaba bikaba byiyongera ku bwunvikane buke bwari buri hagati ya West coast ndetse na East coast ikaba ari imwe mu mpamvu abantu bashoboraga kwicana kugirango bayobore. mu bandi bacyekwa harimo kandi Orlando Anderson twagarutseho wakubiswe igipfunsi na Tupac gusa uyu musore yaje kugirwa umwere kuri iki cyaha ndetse yitabye Imana mu mwaka w’i 1998 mbere yuko yitaba Imana akaba yatangajeko yari umukunzi w’indirimbo za Tupac ndetse ko atari kwica umuhanzi yakundaga.

hirya yibyo mu mwaka w’i 2023 police yo mu mujyi wa Las Vegas yataye muri yombi Keefe D" Davis bivugwako ariwe wishe Tupac uyu mugabo ubwo yagezwaga imbere y’urukiko yahakanye ibi birego , nyuma yaho yaje kwemererwa kuburana ari hanze ariko nyuma yaho aza gusubizwa muri gereza akaba afungiye kuri gereza ya clark County Detention Center iherereye mu mujyi wa Las Vegas . uyu mugabo bivugwako rya joro Tupac araswa ariwe wari mu modoka umuntu warashe Tupac yararimo ndetse akaba ari nawe wamuhaye imbunda yakoreshejwe bica Tupac ndetse bikaba byari ku itegeko ryatanzwe na P diddy aho yari yishyuye amafaranga miliyoni imwe ya madorali ngo Tupac yicwe.

Iki ni igice cya mbere mutwemerere ubutaha tuzarebere hamwe ese mu byukuri umugabo ufunzwe muri gereza niwe waba yarishe Tupac? tuzarebera hamwe n’igihombo isi yagize kubera urupfu rwiki cyamamare.

UMUSOZO!
UMWANDITSI : GLADIATOR OG