Niba uri umuntu ukurikirana bya hafi umuziki ndetse ukaba udatangiye kuwukurikirana mu minsi ya vuba , uzi indirimbo Yitwa Kigoma yahurije hamwe abahanzi bakomoka mu gace ka Kigoma muri Tanzania. Iyi ndirimbo yasohotse muri 2012 ndetse rwose mu karere ka afurika y’iburasirazuba icyo gihe yabaye ikimenyabose. Mu mashusho yiyi ndirimbo hari isura abenshi bibuka y’Umukobwa witwa Jacqueline, ese mu busanzwe uyu mugore ni muntu ki ? Murakaza neza muriyi nkuru. Mu busanzwe uyu mutegarugori (...)

Sponsored Ad

Niba uri umuntu ukurikirana bya hafi umuziki ndetse ukaba udatangiye kuwukurikirana mu minsi ya vuba , uzi indirimbo Yitwa Kigoma yahurije hamwe abahanzi bakomoka mu gace ka Kigoma muri Tanzania. Iyi ndirimbo yasohotse muri 2012 ndetse rwose mu karere ka afurika y’iburasirazuba icyo gihe yabaye ikimenyabose. Mu mashusho yiyi ndirimbo hari isura abenshi bibuka y’Umukobwa witwa Jacqueline, ese mu busanzwe uyu mugore ni muntu ki ? Murakaza neza muriyi nkuru.

Mu busanzwe uyu mutegarugori yabonye izuba mu mwaka w’i 1978 , Amazina yiswe na babyeyi ni Jacqueline NTUYABALIWE gusa akaba azwi cyane mu ruhando rw’imyidagaduro mu gihugu cya Tanzania nka Kylnn , Yavukiye ndetse akurira mu mujyi wa Dar es salaam akaba abyarwa na se ukomoka mu Ntara ya Kigoma ndetse na nyina ukomoka mu mujyi wa Dar es Salaam muri Tanzania. Kuri uyu munsi akaba ari umutegarugori w’imyaka 47 ya mavuko. Mu rugendo rwe rwa mashuri, abanza yayize i mwanza ku ishuri ribanza rya Nyakahoja ni mugihe amashuri yisumbuye yayize ku ishuri rya Forodhani secondary school riherereye mu mujyi wa Dar es slaam . Nyuma yaho mu mwaka w’i 2000 yahataniye ikamba rya Nyampinga w’Igihugu cya Tanzania ndetse aza kuryegukana gusa mbere yaho yari yabanje kwegukana ikamba rya nyampinga wa karere ka Ilala, muri uwo mwaka kandi yahagarariye igihugu cya Tanzania mu irushanwa rya Miss World gusa ntiyabasha kugera kure.

Nyuma yibyo byose mu mwaka w’i 2004 yinjiye mu muziki ndetse yiyemeza kuwukora byumwuga, nubwo muri 2004 aribwo yinjiye neza mubya muzika ariko mu busanzwe ni ibintu yatangiye cyera mu mwaka w’i 1997 aho yaririmbaga mu itsinda rya Tanzanites ryabaga mu mujyi wa Dar es Salaam gusa ntabwo yigeze abasha kuba icyamamare aririmba muri iryo tsinda. Mu rugendo rwe nk’umuhanzi yakozemo indirimbo zitandukanye zamenyekanye zirimo ; Nalia kwa Furaha, Crazy over you, Nipe Mkono ,Nikipata wangu, n’izindi nyinshi. Nk’umuhanzi kandi Yasohoye album ye yise Crazy over you mu mwaka w’i2007, yatwaye kandi ibihembo bitandukanye birimo icy’umuhanzikazi wa mbere w’umwaka ndetse n’indirimbo ihuriwemo n’abahanzi barenze umwe nziza (Best Collabo) ku ndirimbo ye Crazy over you yakoranye na Squeezer muri 2007 yatwaye kandi ibindi bihembo birimo ibya Pearl Music Awards ,n’ibindi byinshi.

Mu mwaka w’I 2013 ibijyanye n’imyidagaduro yabishyize ku ruhande maze atangira indi mirimo aho yinjiye mu mwuga wo gukora ibikoresho byo mu nzu ndetse ashinga company ye yise Amorrete aho ikora ibikoresho bitandukanye byo mu rugo birimo ; intebe, ameza, utubati , imitako yo munzu n’ibindi byinshi . mu mwaka w’I 2015 uyu mutegarugori yarushinze n’umuherwe akaba umunyemari ndetse na rwiyemezamirimo Doctor Reginald Mengi, ubukwe bwaba bombi bwateje uruntu runtu biturutse ku buryo barutana mu myaka cyane aho uyu muherwe arusha imyaka 35 umugore we Jacqueline. Uyu muherwe akaba ari nyiri bitangazamakuru 11 byibumbiye muri sosiyete ya IPP Media bimwe muribyo bitangazamakuru birimo : East Africa Tv, Capital Tv, East African Radio , Capital Fm, Itv, Radio one , Nipashe, ‘ibindi byinshi.

Mu mwaka w’i2019 umuherwe Doctor Reginald Mengi yitabye Imana amaze imyaka ine yonyine arushinze n’umufasha we Kylnn , nyuma y’imyaka ibiri muri 2021 Uyu mugore yeretse urukiko irage avugako imitungo yasizwe na nyakwigendera akaba n’umugabo we yazungurwa nawe ndetse na bana babiri babyaranye iryo rage rikavugako umugabo we ariko yabishakaga mbere yuko yitaba Imana , muri iryo rage hari handitsemo ko kandi mbere yuko umugabo we yitaba Imana yambuye abandi bana be uburenganzira ku mutungo we (uyu Kylnn yari umugore we wa kabiri) gusa urukiko rwaje kwanzura ko iryo rage nta gaciro rifite kuko umukono uriho utandukanye n’uwo ny’irubwite yari azwiho ndetse akaba nta muntu wo mu muryango we ku mugore wa mbere uyu muherwe yaba yarabwiye iryo rage ndetse n’abavandimwe buyu muherwe batunguwe no kumva uyu mugore arivuga kandi bo ntacyo bariziho nkuko biteganywa n’umuco w’ubwoko bwabo bw’abachagga.

Urukiko kandi rwanzuye ko inyandiko mengi yaba yaranditse mu minsi ye ya nyuma itahabwa agaciro kuko atari ameze neza mu mutwe kuva mu mwaka w’i2016. Kuri uyu munsi uyu mutegarugori aba mu gihugu cya Tanzania aho akorera ibikorwa bye bitandukanye birimo ibya companye ye ikora ibikoresho byo mu nzu, akaba ari umutegarugori mukuru w’Imyaka 47 , ngayo nguko inkuru ya Kylnn abenshi bamenye mu mashusho y’indirimbo Kigoma mu myaka yi 2012, ku munsi wa none akaba ari umubyeyi wa bana babiri.

UMUSOZO!
UMWANDITSI : GLADIATOR OG