skol
Kigali
Fortebet

Kenya: Itsinda rya Sauti Sol rigiye kurega Raila Odinga uri kwiyamamaza kuba Perezida

Imyidagaduro   Yanditswe na: Dusingizimana Remy 17 May 2022

Itsinda rya muzika rikomeye rivuga ko rigiye kurega Raila Odinga, wahoze ari minisitiri w’intebe ubu wiyamamariza kuba perezida, rimushinja gukoresha indirimbo yabo mu kwiyamamaza.

Mu kwiyamamaza no kwerekana Madamu Martha Karua nk’uzamubera visi perezida natsinda, abakozi ba Raila Odinga bakoresheje indirimbo Extravanganza ya Sauti Sol imwe mu zikunzwe cyane.

Mu itangazo bashyize kuri Twitter, iri tsinda rya muzika ryinubiye gukoresha indirimbo yabo mu kwiyamamaza kandi ryo nta ruhande ririho.

Rigira riti: "Twe nta ruhande turiho, yaba Azmio la Umoja cyangwa irindi shyaka rya politiki.

"Tubabajwe no kuba Azimio la Umoja ihonyora uburenganzira bwacu ku kintu dufiteho ububasha".

Azmio la Umoja ni ihuriro ry’amashyaka ashyigikiye Raila Odinga nk’umukandida ku mwanya wa perezida mu matora ateganyijwe muri Kanama(8) muri Kenya.

Gusa bamwe kuri Twitter bahise bavuga ko iryo huriro ry’amashyaka ryishyuye ikigo Music Copyright Society of Kenya, MCSK, hejuru ya $4,800 ngo ribashe gukoresha imiziki itangiwe uburenganzira mu kwiyamamaza kwaryo.

MCSK ni ikigo cya leta kireba iby’uburenganzira ku bihangano by’abahanzi muri Kenya.

Abahanzi benshi ariko bagiye bashyamirana n’icyo kigo bitewe n’uburyo kishyurwa.

Sauti Sol ni rimwe mu matsinda ya muzika akomeye ubu muri Africa, ryegukanye igihembo cya MTV Africa Music Awards mu 2016.

Naho mu kwiyamamaza, Raila Odinga na Visi perezida William Ruto, nibo bahabwa amahirwe menshi mu bakandida barenga 30 bashaka gusimbura Uhuru Kenyatta.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umubyeyi wa Esther na Ezekiel arishimira imyaka 7 amaze mu rukundo n’umugore...

Umuhanzikazi w’indirimbo zo kuramya no guhimbaza Imana muri Uganda akaba...
29 July 2022 0

B Threy yahawe umutsima uriho ibirango by’igihingwa gisa n’Urumogi...

Mu ijoro ryo kuri uyu wa Gatatu ni bwo umuraperi Miheto Bertrand,uzwi nka B...
28 July 2022 0

Yvan Buravan yagiye kwivuriza muri Kenya indwara abaganga bo mu Rwanda...

Burabyo Dushime Yvan wamamaye mu muziki nka Yvan Biravan, yerekeje mu...
19 July 2022 0

Jennifer Lopez n’umukunzi we Ben Affleck bashyize hanze amafoto y’ubukwe...

Umuhanzikazi Jennifer "JLo" Lopez yemeje ko yashakanye na Ben Affleck,...
18 July 2022 0

Skol yashyizeho irushanwa ry’abaririmbyi rizahemba uwahize abandi gukorera...

Skol yatangije ku mugaragaro andi marushanwa yitezweho guha amahirwe...
12 July 2022 0

Paul Okoye [Rudeboy] yajyanwe mu nkiko n’umugore we umushinja gusambanya...

Umuhanzi Paul Okoye uzwi nka Rudeboy wo mu itsinda rya P-Square,yajyanwe mu...
2 July 2022 0