Perezida Paul Kagame na Madamu Jeannette bitabiriye igitaramo umunya-Senegal Youssou N’Dour wamamaye mu ndirimbo zitandukanye yakoreye i Kigali.
Iki gitaramo cyiswe “Kwita Izina Gala Dinner” cyabereye mu Intare Conference Arena mu Karere ka Gasabo mu ijoro ryo kuri iki Cyumweru tariki 4 Nzeri 2022.
Kitabiriwe na bamwe mu bantu bise amazina abana b’ingagi barimo Didier Drogba wakiniye Chelsea, Sauti Sol yo muri Kenya, Kaddu Sebunya wa African Wildlife Foundation, Umuyobozi (…)

Perezida Paul Kagame na Madamu Jeannette bitabiriye igitaramo umunya-Senegal Youssou N’Dour wamamaye mu ndirimbo zitandukanye yakoreye i Kigali.

Iki gitaramo cyiswe “Kwita Izina Gala Dinner” cyabereye mu Intare Conference Arena mu Karere ka Gasabo mu ijoro ryo kuri iki Cyumweru tariki 4 Nzeri 2022.

Kitabiriwe na bamwe mu bantu bise amazina abana b’ingagi barimo Didier Drogba wakiniye Chelsea, Sauti Sol yo muri Kenya, Kaddu Sebunya wa African Wildlife Foundation, Umuyobozi w’Ubukerarugendo muri RDB, Michaella Rugwizangoga, Umuyobozi mukuru w’Ikigo cy’Igihugu gishinzwe Iterambere (RDB), Clare Akamanzi, Umuhangamideli Moses Turahirwa washinze Moshions n’abandi.

Youssou N’Dour uri mu bahanzi bamaze igihe bakomeye muri Afurika,yise ingagi izina ‘Ihuriro’ ingagi yo mu muryango Amahoro,mu birori byabaye kuwa Gatanu w’icyumweru gishize.

Perezida Kagame na madamu we bari bicaye ku meza amwe n’icyamamare muri ruhago Didier Drogba nacyo cyise izina "Ishami" Ingagi yo mu muryango wa Muhoza.

Mu bandi baririmbye harimo Sauti Sol yaririmbiye imbere ya Perezida Kagame indirimbo bamuvugamo bise ’Nerea’.

Iyi ndirimbo bayisohoye ku wa 21 Mata 2015, bayikoranye na Amos na Josh. Iri mu ndirimbo zakomeje izina ryabo, ndetse n’iya Gatanu kuri Album bise “Live and Die in Afrika’.