skol
Kigali

Teta Diana yasusurukije abantu karahava mugitaramo cyo kwizihiza umunsi mpuzamahanga w’umugore

Imyidagaduro   Yanditswe na: ISHIMWE JANE 9 March 2022

Teta Diana yataramiye abitabiriye igitaramo yakoreye muri ‘Centre culturel francophone du Rwanda’ mu ijoro ryo kuri uyu wa 8 Werurwe 2022 murwego rwo kwizihiza umunsi mpuzamahanga w’umugore.


Ni igitaramo kitabiriwe n’abantu bake bitewe n’imyanya mike y’abakwirwa aho cyabereye.

Uyu muhanzikazi waherukaga gutaramira mu Rwanda muri 2019 yagaragaje inyota n’urukumbuzi yarafite ubwo yataramiraga abari bitabiriye icyo gitaramo.

Ubwo yari ageze ku rubyiniro, Teta Diana yaririmbye indirimbo ziganjemo ize ndetse akanyuzamo akaririmba n’izindi ziri mu zikunzwe mu muziki nyarwanda.

Ageze hagati igitaramo, Teta Diana yahamagaye Jules Sentore ku rubyiniro bafatanya gususurutsa abantu mu muziki gakondo.

Kimwe mu bintu byatunguye abantu muri iki gitaramo ni umuzungu wari mu bakitabiriye wikojeje ku rubyiniro arashayaya karahava, bamwe bati burya n’abera batangiye kwiga umuco wacu.

Ibi ninabyo Teta Diana yabwiye IGIHE nyuma y’igitaramo. Ati “Byanshimishije kubona umuzungu ubyina Kinyarwanda, twamaze igihe kinini twiga iby’iwabo ariko igihe kirageze ngo nabo bige iby’iwacu kuko natwe dufite umuco mwiza.”

Teta Diana yahishuye ko nubwo muri iyi minsi afite imishinga myinshi, ariko ateganya no gukomeza gukora ibihangano byo kunezeza abakunzi be.

Teta Diana yaherukaga gutaramira i Kigali mu 2019 mbere gato ya Covid-19. Muri iki gitaramo byitezwe ko azaririmbira abakunzi be nyinshi mu ndirimbo ziri kuri album ye yise ‘Iwanyu’, EP yise ‘Umugwegwe’ n’izindi.

Umuzungu yabyinyye atungura benshi

Teta Diana yongeye gususurutsa abakunzi be kumunsi mpuzamahanga w’umugore

Author : ISHIMWE JANE

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umuhanzi R. Kelly yakatiwe gufungwa imyaka 30

Umuririmbyi w’Umunyamerika R. Kelly yakatiwe gufungwa imyaka 30 kubera...
30 June 2022 0

Youssoupha yahagaritse igitaramo yari afite i Kigali kubera ubusabe...

Umuraperi w’Umufaransa ariko ufite inkomoko muri RD Congo, Youssoupha,...
14 June 2022 1

Burna Boy yashatse gutwara umugore w’abandi bitera akavuyo karasiwemo...

Polisi ya Lagos yafunze abapolisi batanu bari kumwe n’umuririmbyi, Damini...
13 June 2022 0

Shakira yahuye n’uruva gusenya nyuma yo gutandukana n’umukunzi we...

Umuhanzikazi shakira waherukaga gutandukana n’umukunzi we Pique bari...
6 June 2022 0

Umuhanzikazi Shakira yemeje ko yatandukanye n’umukunzi we Pique

Umuhanzikazi Shakira wo muri Colombia w’imyaka 45, yemeje ko atakiri kumwe...
4 June 2022 0

Tiwa Savage yatunguranye avuga ko yifuza umugabo w’Umukene

Umuhanzikazi Tiwa Savage wo muri Nigeria yatangaje ko akize bihagije kandi...
4 June 2022 1