skol
Kigali

Umuhanzi Clement Mutabazi yinjiranye mu muziki indirimbo "Kibamba" ikomeza abacitse intege

Imyidagaduro   Yanditswe na: Dusingizimana Remy 23 January 2022

Umuhanzi Clement Mutabazi washyize hanze indirimbo ye ya mbere yise "KIBAMBA" nyuma yo kwinjira ku isoko ry’umuziki.

Uyu muhanzi wakuriye mu muryango w’abaririmbyi n’abanyamuziki,yabwiye UMURYANGO ko se yacurangaga gitari ndetse akanaririmba mu gihe mama we yaririmbaga mu makorali.

Yavuze ko ibi aribyo byatumye akurana inyota yo kumenya kuririmba no gucuranga kuva akiri muto.

Ati "Umuziki rero nakuze nywukunda kuva kera,niga mu mashuri y’icyiciro rusange nibwo natangiye gukuza impano yo kwandika indirimbo gusa inyinshi nkazibika sinzishyire hanze kuko numvaga igihe cyo gutangira urugendo rwanjye rwa muzika kitaragera.

Nagye nandika indirimbo nyinshi kugeza aho nabaga mfite agakayi kuzuyemo indirimbo zitazwi n’undi muntu uretse bamwe bo mu muryango wanjye ba hafi kuko nari ntarazijyana muri studio ngo nzikore neza."

Mutabazi yavuze ko uyu mwaka yumva ari icyo gihe kiza cyo gusangiza abanyarwanda ubutumwa bumurimo binyuze mu mpano yahawe n’Imana.

Ati "Niyo mpamvu ubu namaze gutegura alubumu iriho indirimbo 12, nkaba namaze gushyira hanze indirimbo ya mbere kuri iyo alubumu yitwa Kibamba ndetse n’amashusho yayo ari hanze."

Iyi ndirimbo kandi yahisemo kuyitirira iyi alubumu kuko ikubiyemo ubutumwa yumva ashaka gusangiza abazamukurikirana.

Ati "Mu ndirimbo zanjye harimo gusubiza ikizere mu bantu bumva nta cyizere cy’uyoubuzima kikiriho cyangwa bumva ari abanyantege nke, kuko ku bwanjye numva ko buri wese aba ashoboye ahubwo kwitakariza icyizere rimwe na rimwe aribyo bitudindiza."

Yakomeje ati "Iyi alubumu rero Kibamba izasohoka yose muri uyu mwaka gusa nzagenda nsangiza abanyumva indirimbo imwe kuri imwe kugeza alubumu yose igiye hanze.

Yasoje avuga ko yifuza ko abanyarwanda bamushyigikira kuko benshi bakeneye kumva ubutumwa nk ubu busubiza intege abatentebutse kubera imihangayiko y’isi.

Mutabazi Clement yize Kaminuza aho afite impamyabumenyi y’icyiciro cya kabiri cya kaminuza mu itangazamakuru.

REBA AMASHUSHO "KIBAMBA" YA MUTABAZI CLEMENT


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rick Ross yemeje ku mugaragaro ko ari mu rukundo na Hamissa Mobeto...

Umuraperi w’umunyamerika Rick Ross yemeje ko akundana na Hamisa Mobetto,...
27 May 2022 0

Umwana wa Rihanna na A$AP Rocky yavutse ahita aca agahigo mu bandi...

Ku wa kane, Rihanna n’umukunzi we A $ AP Rocky bakiriye umwana wabo wa mbere...
21 May 2022 0

Uburere buruta ubuvuke! Tijara yageneye ubutumwa ababyeyi cyane abafite...

Dada Kabendera wamenyekanye cyane nka TK mu mwuga w’itangazamakuru akunze...
19 May 2022 0

Huye: Umugabo yafatiwe mu cyuho ari gusambanya umwana w’imyaka...

Umugabo w’imyaka 25 wo mu karere ka Huye mu Murenge wa Tumba mu Kagari ka...
19 May 2022 1

Umuhanzikazi Igena Mary arashinja Producer Lyzo kumugurishiriza...

Umuhanzikazi Nyarwanda ukizamuka Igena Mary arashinja Producer Lyzo...
19 May 2022 0

Kenya: Itsinda rya Sauti Sol rigiye kurega Raila Odinga uri kwiyamamaza...

Itsinda rya muzika rikomeye rivuga ko rigiye kurega Raila Odinga, wahoze...
17 May 2022 0