Umuramyi Gisele Precious w’imyaka 27 wari ukomeje kwigarurira imitima ya benshi yatabarutse nkuko amakuru yamenyekanye ku mugoroba w’uyu wa Kane tariki 15 Nzeri 2022 abitangaza.
Iyi nkuru yacicikanye ku mbuga nkoranyambaga ndetse benshi mu bakunzi b’umuziki wo kuramya no guhimbaza Imana bagaragaza ko bababajwe n’urupfu rwe.
Umuryango we uvuga ko yaguye mu bwogero ahita ajyanyanwa mu bitaro bya Gisenyi mu karere ka Rubavu ari na ho yaje kugwa.
Tariki 18 Ukuboza 2021 ni bwo Nsabimana Gisele (...)

Sponsored Ad

Umuramyi Gisele Precious w’imyaka 27 wari ukomeje kwigarurira imitima ya benshi yatabarutse nkuko amakuru yamenyekanye ku mugoroba w’uyu wa Kane tariki 15 Nzeri 2022 abitangaza.

Iyi nkuru yacicikanye ku mbuga nkoranyambaga ndetse benshi mu bakunzi b’umuziki wo kuramya no guhimbaza Imana bagaragaza ko bababajwe n’urupfu rwe.

Umuryango we uvuga ko yaguye mu bwogero ahita ajyanyanwa mu bitaro bya Gisenyi mu karere ka Rubavu ari na ho yaje kugwa.

Tariki 18 Ukuboza 2021 ni bwo Nsabimana Gisele wari uzwi nka Gisele Precious yasezeranye imbere y’Imana n’umukunzi we Niyonkuru Innocent mu muhango wabereye muri ADEPR Gatenga.

Uyu muhanzikazi asize umwana w’umuhungu w’ibyumweru bitatu we n’umugabo we, Niyonkuru Innocent bibarutse ku wa 28 Kanama 2022.

Gisèle Precious yatangiye kuririmba akiri umwana. Urugendo rw’ubuhanzi ku giti cye yarutangiye mu 2017, asengera muri ADEPR Gatenga.

Gisele Precious yamenyekanye mu ndirimbo zitandukanye zirimo: "Imbaraga" yamwinjije byeruye mu muziki, "Inzira zayo", "Niwe", "Shimwa", "Urampagije", "Nashukuru", "Mbega urukundo" na "Umurasaba" yari aherutse gushyira hanze ari nayo yakunzwe kurusha izindi zose yakoze.