Ku bakunda umuziki hari ibitaramo biba ari iby’amateka , bikaba ari bya bitaramo byitabirirwe na bantu uruhumbirajana bya bitaramo inkuru zabyo zizajya zibarirwa na bazavuka mu binyejana byinshi bizaza. bimwe mu bitaramo bya muzika bijya bihuruza abahisi n’abagenzi baje kwihera ijisho ndetse no kunyuka umuziki w’imbonekarimwe twavugamo ibitaramo nka ;Coachella , Burning Man , Rock in Rio , Nyege Nyege Festival , n’ibindi byinshi. muri iyi nkuru mutwemerere dufungure indi paji dusubirane mu (...)

Sponsored Ad

Ku bakunda umuziki hari ibitaramo biba ari iby’amateka , bikaba ari bya bitaramo byitabirirwe na bantu uruhumbirajana bya bitaramo inkuru zabyo zizajya zibarirwa na bazavuka mu binyejana byinshi bizaza. bimwe mu bitaramo bya muzika bijya bihuruza abahisi n’abagenzi baje kwihera ijisho ndetse no kunyuka umuziki w’imbonekarimwe twavugamo ibitaramo nka ;Coachella , Burning Man , Rock in Rio , Nyege Nyege Festival , n’ibindi byinshi. muri iyi nkuru mutwemerere dufungure indi paji dusubirane mu mwaka w’i 1999 mu gitaramo cy’amateka aho Umuraperi Dmx yataramiye abantu barenga ibihumbi 500. Murakaza neza muriyi nkuru.

Ibi byabaye mu mwaka w’i 1999 hari Mu gitaramo cya Woodstock Festival cyabereye mu Mujyi wa Newyork muri Leta zunze ubumwe za America , ni igitaramo cyabaye iminsi ine kuva Taliki 22 - 25 Nyakanga umwaka w’i 1999. Muri iki gitaramo cy’umuziki hari abahanzi batandukanye basusurukije abari bitabiriye iki gitaramo cy’amateka murabo harimo ; umuraperi Dmx, itsinda rya Red Hot chili Peppers, itsinda rya Korn, ndetse n’abandi benshi. Nubwo iki gitaramo kiri mu mateka ya muzika nka kimwe mu bitaramo by’umuziki by’ibihe byose, gusa kwiyo nshuro yo mu 1999 cyavuzweho ibikorwa byinshi bitari byiza birimo : urugomo, gufata ku ngufu abagore, Ubujura, ndetse ikirenze ibyo abantu batatu bakaba baraburiye ubuzima muri iki gitaramo cyari gihuje uruhumbirajana rwa bantu bari baje kunyuka umuziki w’ imbonekarimwe. aba bantu bitabye Imana ahanini byatewe n’umuvundo ndetse n’umubyigano wa bantu benshi bari bitabiriye icyo gitaramo.

Iki gitaramo cyari gitegerejwe n’abantu impande zose zisi kuko usibye abari aho cyabereye iki gitaramo kandi cyatambutse live kuri Television y’umuziki ya MTV ndetse namwe muma television yo muri canada arimo Iyitwa Much yatambukije live iki gitaramo. si kunshuro ya mbere Iki gitaramo cya Woodstock Festival cyari kibaye kuko yari ku nshuro ya gatatu ni nyuma yuko icya mbere cyabaye mu 1969, ikindi mu mwaka w’i 1994 ndetse niki turimo tugarukaho cyabaye mu 1999. Byose icyita rusange bikaba ari ibitaramo byitabirwaga na bantu bangana n’umusenyi wo kunyanja. Iki gitaramo cy’amateka cyo mu mwaka w’i 1999 cyasize cyubahishije izina rya DMX mu muziki ku rwego mpuzamahanga ndetse no mu njyana ya Hiphop muri rusange, Uyu munyabigwi mu njyana ya Hiphop yanyuze abari bitabiriye iki gitaramo ku i taliki 23 Nyakanga 1999 ubwo yasusurutsaga abari bitabirye iki gitaramo. Dmx yerekanye ko ahambaye mu ndirimbo ze zakunzwe zirimo : Ruff Ryders Anthem, What’s my name, X Gon Give it to ya, n’izindi nyinshi.

UMUSOZO!
UMWANDITSI : GLADIATOR OG