Adidas yabujijwe kongera gukoresha amashusho yerekana amabere ari hejuru mu bikorwa byayo byo kwamamaza, kuko yerekana ubwambure bweruye.

Sponsored Ad

Amashusho y’amabere y’abagore babarirwa mu macu bafite uruhu,ubunini n’uburebure bitandukanye batonze umurongo ku rubuga rwa Twitter no ku byapa bibiri.

Ikigo gishinzwe ibyerekeye kwamamaza, Advertising Standards Agency (ASA), cyasanze uburyo bwose butatu bukoreshwa bushobora gutera agasuzuguro.

Adidas yo ivuga ko kwamamaza muri ubu buryo "byerekana uburyo amabere ari atandukanye", bityo rero bikerekana uburyo ari ngombwa kwambara agapfukamabere kameze neza mu gihe cya siporo.

Iki kigo gishinzwe ibyerekeye kwamamaza cyakiriye abantu 24 bavuga ko kwamamaza hakoreshejwe abantu bambaye ubusa nta gisobanuro bifite kandi ko bitesha agaciro abagore mu kubagira ibikoresho byo kwinezereza mu buryo bwo guhuza ibitsina hamwe "no kubanganisha n’ibihimba by’umubiri".

Hari bamwe bakibaza nimba ibi byapa bibereye gushyirwa ahantu kukarubanda, aho abana bashobora kubabona.