Urukundo uwo rushatse ruramusanga ni nk’urupfu iyo ruje rugatwara umuntu , Mu gukunda umwana nawe akagukunda wumva iteka yajya ahora akwicaye iruhande.
Iyo wumva inkuru za bigeze gukundana urukomeye nk’inyundo urugero nka Bonnie na Cylde , Romeo na Julliette , Paris na Helen, Roza na Jake , n’abandi benshi ushobora kugirango ni bene za nkuru babwira abana kugirango basinzire cyangwa ari zimwe mu nkuru zitabaho , gusa burya hari abahiriwe bagirirwa ingabire yo gukunda nabo barakundwa bizira (...)

Sponsored Ad

Urukundo uwo rushatse ruramusanga ni nk’urupfu iyo ruje rugatwara umuntu , Mu gukunda umwana nawe akagukunda wumva iteka yajya ahora akwicaye iruhande.

Iyo wumva inkuru za bigeze gukundana urukomeye nk’inyundo urugero nka Bonnie na Cylde , Romeo na Julliette , Paris na Helen, Roza na Jake , n’abandi benshi ushobora kugirango ni bene za nkuru babwira abana kugirango basinzire cyangwa ari zimwe mu nkuru zitabaho , gusa burya hari abahiriwe bagirirwa ingabire yo gukunda nabo barakundwa bizira uburyarya ndetse rwose bahora mu munyenga w’urukundo aho bo na bakunzi babo bibera mu isi yuje igifute cy’umunezero.

Munyemerere muriyi nkuru dufungure indi paji tuganire ku nkuru y’intangarugero y’urukundo rwa Gucci mane n’umufasha we Keyshia. Ubwo Gucci Mane yajyaga gufugwa yasigiye uyu mufasha we amafaranga miliyoni ebyiri za madorali ya amerika maze nyuma y’imyaka ibiri avuye muri Gereza asanga umufasha we yarazibyajemo miliyoni esheshatu. ese yabibashije ate? Murakaza neza muriyi nkuru.

Mu busanzwe uyu Gucci Mane tugiye kugarukaho ni umuhanzi mu njyana ya Hiphop ukomoka muri leta zunze ubumwe za Amerika akaba yarabonye izuba mu mwaka w’i 1980. uyu mugabo ku nshuro ya mbere ahura n’umugore we wuyu munsi ariwe Keyshia hari mu mwaka w’i 2010 ubwo Gucci Mane yari mu bikorwa byo gufata amashusho y’indirimbo ye yitwa 911 Emergency. ubwo Bamenyanaga n’ubundi uyu muhanzi yasanze Keyshia Ari umukobwa wiyubashye ndetse wifite ku kijyanye n’amikoro kuko yari afite imirimo itandukanye akora.

Nyuma yo guhura ku nshuro ya mbere noneho aba bombi baje gutangira gukundana ndetse urukundo rwabo rurushaho gukomera nk’inyundo. mu mwaka w’i 2013 mu kwezi ku kuboza Gucci Mane yaje gutabwa muri yombi akurikiranyweho icyaha cyo gutunga imbunda binyuranyije n’amategeko ndetse bidatinze mu kwezi kwa Gicurasi mu mwaka w’i 2014 aza kugezwa imbere y’inkiko. ubwo yitabaga urukiko Gucci mane yaje kwemera icyaha nta mananiza ahubwo asaba kugabanyirizwa ibihano , nyuma yuko yorohereje urukiko ntaruhanye yaje gukatirwa imyaka ibiri afunze muri gereza ya United States Penitentiary, Terre Haute.

Ubwo yari agiye kujya muri Gereza yaje guha umukunzi we icyo gihe Keyshia amafaranga miliyoni 2$ za madorali ya amerika akaba ariyo mafaranga uyu muhanzi yarasigaje imbere n’inyuma aya mafaranga akaba yarayamuhaye kugirango azabashe kumufasha gukomeza ubuzima mu gihe we atazaba ahari ngo amwiteho ni cyane ko yari agiye kumara imyaka ibiri muri Gereza afunze. Amaze gufata ayo mafaranga Keyshia yaje kuyashora mu mishinga ibiri ye injyanye n’ubucuruzi yari asanzwe akora irimo ubucuruzi bw’amavuta yo kwisiga , ndetse n’inzu ikorerwamo siporo izwi cyane nka Gym.

Mu mwaka w’i 2016 Gucci Mane yaje gufungurwa ava muri gereza asoje ibihano bye maze agarutse asanga umugore we yarakoze ibidasanzwe ndetse nawe ubwe atatekerezaga ko umugore we yabikora , yaje gusanga umugore we yarafashe za Miliyoni ebyiri maze azibyaza umusaruro ziba miliyoni 6 ibi uyu mugore akaba yarabashije kubigeraho binyuze muri bwa bucuruzi bwe yakoraga twagarutseho haruguru. mu mwaka w’i 2017 aba bombi baje gutera indi ntambwe barikumwe maze biyemeza gukora ubukwe bakabana akaramata.

Imana yahaye umugisha urukundo rwabo mu mwaka w’i 2020 baje kwibaruka umwana wabo w’imfura w’umuhungu bamwita Ice Davis mu gihe mu mwaka w’i 2023 bibarutse ubuheta bwabo akaba umwana w’umukobwa bise Iceland. Uyu munsi ibikorwa by’ubucuruzi byuyu mugore wa Gucci Mane bikaba bifite agaciro ka miliyoni 40$ za madorali ya amerika. Keyshia avugako atari gusiga umugabo we Gucci Mane mu bihe bigoye yararimo ndetse ko yifuzaga kuzamuhindura akavamo umugabo uhamye ni cyane ko ubwo bamenyanaga uyu mugabo yahoraga mu nkiko no mu manza zurudaca aburana ku byaha bitandukanye yabaga ashinjwa. Gucci Mane we avugako umugore we yamuhinduriye ubuzima ndetse ko iterambere yagezaho mu buzima bitari ku mukundira iyo baba batari kumwe.

Ese wowe umukunzi wawe mukundana ubona wamusigira amafaranga akabasha kuyabyaza andi ndetse agakomeza kugukunda..?

UMUSOZO!
UMWANDITSI : GLADIATOR OG