skol
Kigali

Nyina wa Tuyishime yagize uruhare muri Jenoside yakorewe Abatutsi naho Se iramuhitana: Ubuhamya

Kwibuka   Yanditswe na: ISHIMWE JANE 8 April 2022

Tuyishime Jean avuga ko yashaririwe n’ubuzima nyuma yo kubaho ntakerekezo afite kubera amateka ya Jenocide yakorewe abatutsi muri Mata 1994, avuga ko Se umubyara yishwe n’interahamwe muri Jenocide yakorewe abatutsi mu gihe Nyina umubyara yakatiwe imyaka 30 nyuma yo guhamwa n’ibyaha byo kugira uruhare muri Jenoside yakorewe Abatutsi 1994.


Uyu musore w’imyaka 30, avuka i Runda mu Karere ka Kamonyi. Se yishwe n’Interahamwe muri Jenoside yakorewe Abatutsi mu 1994 mu gihe nyina afungiye muri Gereza ya Mageragere kubera kuyigiramo uruhare.

Tuyishime ahamya ko Jenoside yabaye ari umwana muto, icyo gihe yari afite umwaka umwe n’amezi arindwi.

Mu kiganiro na IGIHE, Tuyishime yavuze ko ashengurwa no kuba nyina yaragize uruhare muri Jenoside yakorewe Abatutsi, anakatirwa igifungo cy’imyaka 30 mu gihe se umubyara we yayiburiyemo ubuzima.

Avuga ko ibi byatumye abura uruhande abarizwaho kuko hari abamufata nk’umwana w’interahamwe, abandi bakamwita nk’umucikacumu.

Ati “Jenoside yakorewe Abatutsi njye mfite aho mpurira na yo cyane ku mpande zose. Data yapfuye kubera ubwoko bwe, yishwe n’Interahamwe. We n’abandi Batutsi bakomeje kwicwa.’’

Yakomeje avuga ko byarangiye yisanze hagati y’impande ebyiri kuko na nyina yafungiwe Jenoside.

Ati “Ndimo hagati muri iyo sano ya Jenoside kuko nubwo data yishwe mama we yarayikoze n’ubu arayifungiye.”

Tuyishime yize amashuri ye ku nkunga ya Minisiteri y’Uburinganire n’Iterambere ry’Umuryango, yamwishyuriye kugeza mu wa Gatatu wisumbuye.

Ati “FARG ntabwo yanyishyuriye kuko amateka yanjye yatinze kumenyekana kandi n’ubundi iyo natekerezaga kujyayo nagiraga ipfunwe kuko mama afunzwe nkabona ko naba meze nk’uri gushinyagurira abandi bana kuko numvaga nibambaza ko ariho nzavuga ko yapfuye kandi atari uko biri.”

Yongeyeho ko kugira ipfunwe ry’uko nyina yishe byatumye atishyurirwa, bimuviramo kudakomeza kaminuza kubera ubushobozi buke cyane ko n’uwamwishyuriraga yari yamwemereye kumufasha gusoza amashuri yisumbuye gusa.

Uyu musore avuga ko nyuma yo kumenya amakuru y’uko nyina yagize uruhare muri Jenoside yamusuye muri gereza amubaza ukuri ku byo ashinjwa.

Ati “Bavuga ko hari umukobwa bari bagiye kwica ngo umwenda we uragwa, birumvikana ko ashobora kuba yarahise yambara ubusa. Ngo mama yarawutoye ntiyawusubiza. Ni ko we yambwiye kandi birumvikana ko icyaha ari gatozi akwiye kubihanirwa.”

Yaboneyeho gusaba abantu bagifite imyumvire y’amacakubiri n’ingengabitekerezo ya Jenoside kubireka kuko itubaka ahubwo isenya.

Ati “Reka nkwibwirire, ingengabitekerezo iracyabaho. Njye nigeze gukundana n’umukobwa warokotse ariko yanyanze kubera amateka ya mama. Numva icyaha cy’umubyeyi umwana atakizira cyane ko nka njye ndi ku mpande zose zifitanye isano na Jenoside.”

Author : ISHIMWE JANE

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

#Kwibuka28:Ubuyobozi n’abakozi ba Cogebanque basuye Urwibutso rwa...

Ubuyobozi n’abakozi ba Cogebanque bifatanije n’Abanyarwanda ku nshuro ya 28...
25 April 2022 0

Kinazi-Ruhango: Barasaba inzu y’amateka kuri Jenoside yakorewe Abatutsi mu...

kuri uyu wa 24 Mata 2022 ,hibutswe ku ncuro ya 28 Abatutsi biciwe mu gice...
25 April 2022 0

#Kwibuka28: Amb. Diane Gashumba yasabye Abanyarwanda guharanira ko...

Abanyarwanda n’inshuti z’u Rwanda baherereye muri Suwede bakoze igikorwa cyo...
25 April 2022 0

#Kwibuka28: Bank ya Kigali yunamiye abari abakozi bayo, bifatanya...

Ku nshuro ya 28 Abanyarwanda bibuka Jenoside yakorewe Abatutsi muri Mata...
23 April 2022 0

#Kwibuka28: Ministre Bizimana yeretse urubyiruko abo kwigiraho igihe bahawe...

Dr Jean Damascène Bizimana, Minisitiri w’Ubumwe bw’Abanyarwanda n’Inshingano...
22 April 2022 0

Abakozi ba Marriott Hotel bunamiye abazize Jenoside yakorewe...

Ubuyobozi n’abakozi ba Hotel ya Kigali Marriott bifatanije n’Abanyarwanda mu...
22 April 2022 0