skol
Kigali

Ubuhamya: Nyamuneka bakobwa muritonde!irebere ubuhamya bw’ibyo uyu mukobwa w’umunyarwandakazi yahuye nabyo

Opinion   Yanditswe na: 15 July 2018

Nifuzaga kubagezaho ubuhamya bwanjye kuko nzi ko wenda bwagira abo bufasha.

Nitwa Bella mfite imyaka 27, nakundanye n’umusore dukundana cyane ndetse mu mezi ya mbere numvaga ndi igitangaza (la fille la plus heureuse du monde).

Uwo musore twasaga n’aho tungana,twembi twari abakozi twararangije kaminuza.Nyuma y’amezi 10 yaje kuntera inda noneho ansaba kuyikuramo kubera ko tutumvaga twiteguye guhita dukora ubukwe.

Mu buzima sinigeze numva nshobora kuba nakuramo inda, ndetse sinumvaga n’ukuntu abandi bakobwa bajya bakuramo inda kuko numvaga ari amahano.

Tumaze guta umutwe twembi yanyumvishije ukuntu ngomba kuyikuramo, atangira kunyumvisha ko atari ukwica umwana kuko yari imaze nk’ukwezi kumwe gusa ubundi anyumvisha ko mu myaka 2 twaba twariteguye tukabasha gukora ubukwe(Iryo niryo sezerano yampaga)

Naramukundaga bidasubirwaho kuburyo numvaga nta wundi umeze nkawe, nkumva nta kintu namuhakanira.N’ubwo nitwaga umu kristu narabyemeye kandi nzi neza ko ngiye kwiyicira umwana kandi nahoraga numva nta kintu nakwishimira nko kubyara umwana.

Nyuma y’iminsi mike nawe yatangiye kwicuza impamvu twabikoze ndetse bikamutera agahinda kenshi akanarira, atangira kumbaza impamvu nabyemeye ndetse ambwira ko nikunda ntashatse kwitangira ikibondo cyacu.

Ariko mbere hose tugitangira gukunda hari agatotsi kajyaga kaza mu rukundo rwacu gatewe n’ibyo umuntu aba yaranyuzemo mbere, kuri we ngo yumvaga bimugoye kubana nabyo.

Rero naje gutungurwa nyuma y’amezi abiri gusa maze gukuramo inda, ambwira ko ibyanjye nawe bigomba kurangira kuko adashobora kubyakira kuko ngo byahora ari nk’inzitizi y’urukundo rwacu ariko akambwira ko ankunda cyane.

Ntabwo nabashije kubyakira kuko iryo joro ryose naraye ndira mbyuka amaso yabyimbye kuburyo buri wese yahitaga abibona.

Nyuma nakomeje kumwoherereza za sms mwibutsa rya sezerano yampaye, mwereka ukuntu agahinda kagiye kuzanyica nibwo nyuma y’iminsi nk’itatu twahuye twongera gusubirana, ariko nabonye ko ibyo yabikoze kubera ko yabonaga mbabaye cyane.

Twarakomeje rwose nk’ibisanzwe ariko urukundo rugenda rwongera gukonja, nanone nyuma y’amezi 4 twarasubiranye yongera kumbwira ko bishize.

Icyo gihe nabwo ntibyari binyoroheye ariko sinongeye kuvuga kuri rya sezerano.Kubera ukuntu twakomeje tubanye njye naboga bisa nk’aho bitashize kandi kuri we byari byararangiye ndetse yabibwiraga na bagenzi be.

Muranyihanganira ni birebire gusa nashakaga kubwira abakobwa bagenzi banjye ko mbere yo gukora ikintu ujye ubanza witekerezeho, urebe n’ingaruka byakuzanira kuko we umunsi azashaka kukureka ntabwo azibuka ibyakubayeho ngo yumve ko ari abifitemo uruhare.

Gusa hagati aho uwo turacyari inshuti cyane ariko byarananiye kumureka urukundo mukunda sinzi ko hari undi naruha n’ubwo we mbona uko tubanye ari nko kugirango gusa atambabaza.

Ubu nibaza ninkundana n’undi musore ukuntu nzamubwira ko nigeze gukuramo inda, ikiri ukuri cyo ni uko yahita anyanga kandi birumvikana.Kutabimubwira nabyo numva kwaba ari ukwikoraho kuko abimenye nyuma nibyo byaba ikibazo kurushaho.

Ndongera kwisabira abakobwa bagenzi banjye, niba wakoze icyaha cy’ubusambanyi ugatwita ntuzagerekeho n’icyo kubuza ubuzima akaremwa k’Imana kuko ni ikintu uzabana nacyo ubuzima bwose.Njye bimbamo mpora ndira ijoro n’amanywa nibuka umwana wanjye ntashobora kugarura.

Muzirinde icyabatera kwicuza ubuzima bwanyu bwose.Njye Imana yonyine niyo ishobora kumpindurira ubuzima ikambabarira nkongera nkiyakira.Murakoze.

Nawe niba ufite ubuhamya ushaka kugeza ku basomyi ba umuryango.rw, twandikire kuri e-mail:[email protected]

Ibitecyerezo

  • Who are you?

    Amategeko n'amabwiriza birkurikizwa


  • chat_bubble james

    Imana yakubabariye ugisangiza ubu ubutumwa abakobwa bagenzi bawe ndetse nabahungu gusa harabura kwihana ko utazabisubira kugirango uwo muvumo ukuveho ukakira yesu numukiza muri wowe, ikindi mubuzima bwawe ntuzigere ushingira kumuntu uwo ariwe wese uzashingire kuri wowe ubwawe I mean mindset yawe ibyo bizagufasha kudatekererezwa

    June 2017
  • chat_bubble mugenzi philbert

    ihangane nicyo cyambere nakubyira ubundi icyaha wakoze ibikuye kumutima kwihana bitandukanye no kwicuza kwihana nukureka kwicuza nikwibaza ibwo wakoze bikakubabaza ngusa murwogo rwokwihana wareka iyo ngirwamakundo yumusore kandi sinzi impanvu umutaho igihe nawe ubibona ko atangukunda kandi njyewe sinemera ko tubashuka tubarusha ubwenjye umuntu arakoshya kwica ukemera ngo yangushunse ukarara urira ngo bakwanze n’IMANA iba ikwanze mujye mukura ikino yiswe iyamakundo idashinga

    June 2017
  • chat_bubble Jean pierre

    Ikosa mukora rikomeye niryo kwica mwabigambiriye nicyo cyaha gikomeye kurusha ibindi byose nibwo muba mugiye kubona amaraso yambere ndavuga impanga yanyu mwembi ni bintu muzicuza kugeza muvuye kwisi ikiza nuko mudakwiye gutandukana mugomba kubana Nibyo byiza kurusha uko mwatandukana

    June 2017
  • chat_bubble

    Yooh sory gusa njye ndumva wamureka kuko nta rukundo agufitiye pe.

    June 2017
  • chat_bubble jean

    uzajye kwihana icyo cyaha waturire Padiri cg Pasitori arko wabanje kwihana ku Mna mbere ya byose, kd uyisabe imbabazi ubivanye ku mutima. Sinon igihe cyose utabikoze ufite urubanza rukomeye imbere y’Imana. Nabandi bose babikora nkana babyumvireho, ni icyaha gikomeye Leta ihanira arko na cyane imbere y’Imana!

    June 2017
  • chat_bubble jado

    mujye mushishoza sisters umuntu ugukunda ntiyakubwira NGO umwicire imfura gusa ihangane mwibagirwe wimwereka ko adahari utabaho uzabona undi uzakwibagiza byose agukunde unezerwe!!!!!

    June 2017
  • chat_bubble

    ihagane icyo nagusaba saba imana imbabazi cyane kuko uwomwana we muzahura kumunsi wimperuka.umusobanurire icyo wamwiciye,uwo muhugu we rekana nawe kuko narukundo agufitiye kdi uburetse gushaka undi

    June 2017
  • chat_bubble olikety

    Ihangane ncuti gusa birababaje ariko ihangane iyo ibuye riguye icyondo kirarisunika imana nibyose ikuri hafi

    June 2017
  • chat_bubble Bebe

    Abahungu nabagome pe iyo amaze kukureba biba birangiye nanjye byambayeho gutyo ahita arongora ndababara cyaneee nagiye kubyakira narashize ariko ntubabare imana izamukwishyurira kuko uwo wanjye nanubu yabuze urubyaro numugore we kandi yaranze ko mubyarira ubu njyewe narashatse mfite abana 4 beza rwose

    June 2017
  • chat_bubble Umutoni

    Murahoonukuri birababajee gusa ibanganee kd usenge imana ibyakubayeho byose niyo ibabariraa gusa utazongera gusubira mu byoo wihannyee

    June 2017
  • chat_bubble iturihafi

    oh pole sana

    June 2017
  • 1 | 2

Inzindi nkuru

IGITEKEREZO: Kuki abantu badakabya mu rukundo aribo bashaka vuba kurusha...

Burya abantu bagira urukundo rwinshi gusa kugira amahitamo birabagora.Nshingiye
22 July 2021 0

Ikibazo cy’abatuye Bannyahe ni ihurizo kuri Busingye, ava indi imwe na nyiri...

Hamaze iminsi havugwa ikibazo cyo mu midugudu ya Kibariro ya I, Kangondo...
27 April 2019 4

Uko mbibona: Uganda yiteguye intambara, u Rwanda narwo ruriteguye, ese iyi...

Mu myaka ya za 90 habayemo byinshi byerekana ko harri umubano mwiza hagati...
17 April 2019 11

Icyo Kwibuka Jenoside yakorewe Abatutsi bimariye Abanyarwanda

Kwibuka Jenoside yakorewe Abatutsi ni igikorwangarukamwaka gifasha...
7 April 2019 1

Itandukaniro riri hagati ya Jenoside n’intambara ndetse n’ubwicanyi...

Mu gihe u Rwanda rwatangiye icyumweru cyo kwbuka Jenoside yakorewe Abatutsi...
7 April 2019 1

Icyo Jenoside aricyo ndetse n’intambwe nyamukuru zituma ibaho

Jenoside ni ubwicanyi ndengakamere butegurwa bugakorerwa itsinda...
7 April 2019 1