skol
Kigali

Sobanukirwa Akamaro ko kunywa amazi arimo Concombre ku buzima bw’umuntu

Ubuzima   Yanditswe na: Rebecca UFITAMAHORO 5 October 2021

Nibyo koko amazi agira akamaro kuyanywa ukwayo nkuko na concombre ifite ibyiza yihariye. Nyamara nanone uruvange rw’amazi na concombre rufite ibyiza ntagereranywa nkuko muri iyi nkuru tugiye kubivuga.


Akamaro k’amazi arimo concombre

Uruhu rwiza

Muri concombre harimo ibisohora imyanda mu mubiri ndetse na za vitamin naho amazi yo azwiho kurwanya umwuma no gusukura umubiri. Uruvange rwabyo rero rwirukana imyanda ishajisha uruhu, rukarwanya iminkanyari yaruzaho, ndetse rukanarwanya utubara tuza ku ruhu kubera gusaza

Kugabanya ibiro

Amazi arimo concombre atera igihagisha. Ndetse anarinda inyota dore ko hari igihe ugira inyota bikagendana no gusonza. Niba wifuza kugabanya ibiro, ifunguro ryawe rinini ribeho aya mazi kuko akurinda kuryagagura cyangwa kurya byinshi.

Umutima

Concombre ikungahaye kuri potasiyumu uyu ukaba umunyungugu mwiza ufasha abafite ikibazo cy’umutima. Ubwinshi bwayo mu mubiri bugabanya igipimo cya sodiyumu, iyi ikaba mbi kuko ubwinshi bwayo mu mubiri butera umuvuduko ukabije w’amaraso. Kunywa aya mazi rero birwanya indwara z’umuvuduko, stroke, n’izindi zifata umutima.

Uburemere bw’amagufa

Nubwo muri concombre hatabamo imyunyungugu myinshi ariko habamo silicium na manganese, imwe mu myunyungugu umubiri udakenera ari myinshi, ariko ikenerwa ngo amagufa agire ireme. Kunywa aya mazi rero birafasha kugira amagufa afite ireme bikakurinda za rubagimpande n’izindi ndwara zifata amagufa uko usaza.

Kongera amavangingo

Amavangingo, amazi, amanyare nkuko byitwa mu mazina atandukanye byiyongera iyo umubiri woroshye kandi urimo amazi menshi. Kunywa amazi arimo concombre rero ni bumwe mu buryo bufasha abagore kongera aya mavangingo.

Kanseri

Muri concombre habamo cucurbitacin iki kikaba ikinyabutabire kiboneka muri yo gusa kikaba kizwiho gusohora imyanda mu mubiri by’umwihariko kunywa amazi arimo concombre bigafasha kurwanya kanseri ya porositate ku bagabo, n’izindi kanseri zinyuranye muri rusange.

Gusukura

Kunywa aya mazi bizatuma unyara kenshi bityo uko unyara ube uri gusohora imyanda n’uburozi mu mubiri. ibi bizakorwa vuba kandi birinde ko hari imyanda n’uburozi byakibika muri wowe.

Gukomeza imikaya

Muri concombre habonekamo silicium idakunze kuvugwaho cyane nyamara ikaba ari ingenzi mu gutuma ugira imikaya ikomeye kandi ikora neza.

Aya mazi ategurwa ate?

Gutegura aya mazi ntibigoye kandi ni ibintu nawe wakikorera. Icyo usabwa ni ukuba ufite amazi meza na concombre gusa.

- Sukura concombre uyikatemo uduce mu muzenguruko (ntuyihate). Niba ushaka amazi yuzuye ikirahure urakata udusate 4 gusa ariko ushaka litiro ukoresha concombre yose
- Suka amazi mu cyo uvangiramo hanyuma ushyiremo twa dusate twa concombre
- Niba wabona balafu yishyiremo kugirango twa dusate twa concombre tutareremba. -Utayifite ukoreshe ibindi birusha uburemere concombre ku buryo zijya ku ndiba ntizirerembe
- Bireke gutyo iminota 15 mbere yo kunywa
- Nyuma yo kunywa ayo mazi ongera ushyiremo andi kuko ntabwo intungamubiri zirashiramo. Nihashira amasaha 24 za concombre uzijugunye ukate izindi

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Menya amagambo aryoheye amatwi 4 wabwira umukunzi wawe akamurutira andi...

Iyo abantu bakimena bifuza ku rushinga, usanga hari byinshi bwirana mu...
24 November 2021 0

Sobanukirwa akamaro gakomeye k’igishishwa cy’umuneke utari uzi

Umuneke n’igishishwa cyawo mu byiza bitangaje ku bw’uruhu rw’umuntu,...
25 October 2021 0

Rulindo: Yatwe inda ku myaka 13, umwana arapfa anashyingurwa badapimye...

Mu murenge wa Kisaro, akarere ka Rulindo hari umukobwa watewe inda afite...
21 October 2021 0

Pasiteri yajyanwe mu nkiko azira gusambanya abayoboke be ababeshya ko Imana...

Umupasiteri w’ahitwa Thyolo muri Malawi yagejejwe imbere y’urukiko kubera...
9 October 2021 0

Sobanukirwa Akamaro ko kunywa amazi arimo Concombre ku buzima...

Nibyo koko amazi agira akamaro kuyanywa ukwayo nkuko na concombre ifite...
5 October 2021 0

Sobanukirwa akamaro ko kunywa uruvange rw’amata n’ubuki ku buzima...

Kunywa amata arimo ubuki ni ingenzi ku buzima bw’umuntu ,ndetse bifite...
4 October 2021 0