Birazwi ko umuryango mugari wa muntu ku isi wubakiye ku kubaho k’umugabo n’umugore bo soko yo kubaho binyuze mu kubyara, kurera abana ndetse no kugena imbere heza hawo hagamijwe iterambere rirambye ry’abawugize.
Nubwo bimeze gutyo ariko, uruhare runini n’ijambo byihariwe n’abagabo gusa.
Ni muri urwo rwego Umuryango udaharanira inyungu Global Advocacy For African Affairs wita kwimakaza ihame ry’uburinganire ku isi wateguye inama i Kigali uhereye ku itariki 06-10 Ukuboza 2022 ihuje impuguke (...)

Sponsored Ad

Birazwi ko umuryango mugari wa muntu ku isi wubakiye ku kubaho k’umugabo n’umugore bo soko yo kubaho binyuze mu kubyara, kurera abana ndetse no kugena imbere heza hawo hagamijwe iterambere rirambye ry’abawugize.

Nubwo bimeze gutyo ariko, uruhare runini n’ijambo byihariwe n’abagabo gusa.

Ni muri urwo rwego Umuryango udaharanira inyungu Global Advocacy For African Affairs wita kwimakaza ihame ry’uburinganire ku isi wateguye inama i Kigali uhereye ku itariki 06-10 Ukuboza 2022 ihuje impuguke zitangukanye guturuka mu bihugu bya Nigeria, Ghana , ndetse n’u Rwanda yigira hamwe uko abagore barushaho kugaragaza uruhare rwabo mu miyoborere n’inzego zifata ibyemezo nk’inkingi ya mwamba mu iterambere rirambye.

Ni Umuryango wita ku kuzamura ireme ry’uburinganire n’ubwuzuzanye ku isi hose, ahanini wibanda ku gutanga amahugurwa ku bafatanyabikorwa bawo, ukagira intego igira iti: “ if you don’t train, don’t blame “ , bisobanuye ngo mu gihe utafashe umwanya ngo wigishe kandi uhugure umuntu, wigira nibyo umushinja mu nshingano atageraho.

Afungura ku mugaragaro iyo nama, Umuyobozi Nshingwabikorwa wa Global Advocacy For African Affairs, Bwanda Chrys Anyanwu ukomoka muri Nigeria yabwiye abayitabiriye ko u Rwanda ari urugero rwiza ku isi hose mu gushimangira ihame uburinganire n’ubwuzuzanye.

Yavuze ko mu byitezwe ko bizagerwaho nyuma y’iyi nama harimo kubaka imbaraga zihagije zikwiriye umuyobozi nyawe wifitiye ikizere kandi ufite icyerekezo kiganisha heza mu rwego rw’uburinganire,

Ati: “Ubumenyi butangirwa hano buzashoboza umwe wese witabiriye inama kumenya no gusobanukirwa ahakiri ibibazo by’ingutu kurusha ahandi hagamijwe kubaka ubushobozi bwo ku rwego rwo hejuru, cyane cyane mu guhuriza hamwe ibikorwa, ibiganiro n’imikoranire hagati y’abayobozi n’izindi nzego zifata ibyemezo byose kandi bigakorwa abagenerwabikorwa badasigaye inyuma.”

Chrys Anyanwu,Umuyobozi Nshingwabikorwa wa Global Advocacy For African Affairs ku isi.

Impuguke mu by’ubukungu akaba n’Umwarimu muri Kaminuza y’u Rwanda , Johnson Rukundo yabwiye abitabiriye iyi nama ko igikwiye kwihutirwa ari ugukora igenamigambi rishingiye k ‘Umuryango’ wo soko y’iterambere ry’igihugu.

Yashimangiye ko hakwiriye kurebwa uko ingamba z’uburinganire n’ubwuzuzanye zashingira kurushaho ku bagize umuryango haherewe hasi, haba abana, ababyeyi ndetse n’abandi bisanga muri wo, mucyo yise Gender Mindset.

Kuri Johnson ngo hakwibandwa ku bakiri bato, kugirango ishyerezo iri hame ry’uburinganire n’ingorane zikibonekamo bidakomeza guhererekanywa uko byakabaye ikiragano ku kindi , ahubwo n’ibigerwaho bifatwe mu maboko n’abakiri bato bakomeze kubisangira n’abakuru aho bishoboka.

Johnson Rukundo yerekanye ko ku bantu Miliyari 1.3 batuye isi ari abakene, ko ariko 70% byabo ari abagore, mu gihe hagati ya 60-80% y’ibyo kurya bitunze abatuye isi bihingwa cyangwa bigatunganywa n’abo bagore nyamara n’ubwo bimeze gutyo, abagore 2% gusa ugasanga nibo bagira imitungo bigengaho ku isi hose indi 98% ikaba iy’abagabo.

Rukundo Johnson,impuguke mu bukungu akaba n’umwarimu muri kaminuza y’u Rwanda

N’ubwo bimeze gutyo ariko ntibibuza ko muri bike abagore bafiteho ubushobozi bagerageza guhatana bakinjiza 10% by’umusaruro mbumbe w’uyu mugabane!

Imwe mu mbogamizi, ngo ikaba ari uko imirimo myinshi ikorerwa mu rugo n’abagore idahabwa agaciro faranga ( Non-payed works) nko kwita ku bana, ndetse n’izindi nduruburi umugore yirirwamo ariko ntibihabwe agaciro faranga k’ibyo umugore yinjiza mu rugo ( Household income ).

Johnson Rukundo ati: “Burya abagabo bamenya imiruho y’umugore aruko uwo mugore afashe ikiruhuko nk’icyumweru akabasigira urugo n’abana bonyine nibwo bashobora gusobanukirwa imvune z’umugore mu rugo.!”

Yatanze urugero rw’aho ubu hari ibihugu nka Israel, Argentina n’ibindi byatangiye gukora igenagaciro ku mirimo ikorwa n’abagore yibanda ku rugo n’umuryango muri rusange imibare iturutsemo ikinjizwa mu musaruro mbumbe w’ibyo igihugu cyagezeho buri mwaka, atanga inama ko n’ahandi byakorwa bityo umugore hamwe na hamwe ntakomeze gufatwa nk’udafite icyo yinjiza kandi yirirwa mu mirimo idahabwa agaciro na bamwe mu bagabo babo.

Iyi mpuguke ikaba yagiriye inama abari aho ko nibura buri rugo uko umwaka utashye undi ukaza rwajya rukora igenamigambi irufasha kurebera hamwe uko rutera imbere, ndetse no gukosorera hamwe ibitaragenze neza mu kubishakira umuti, kugira ngo ireme ry’uburinganire rishobore kujyanishwa iterambere ryarwo , nta n’umwe usigaye inyuma, bikaba byanafasha kureba uruhare rwa buri wese mu muryango .

Madame Judith Kayitesi Katabarwa wo mu Kigo Africa New Life uri mu batanze ibiganiro muri iyi nama, yasangije abari aho intambwe u Rwanda rumaze gutera mu guhuriza hamwe ihame ry’uburinganire mu Rwanda haba mu nzego bwite za Leta , Sosiyete Sivile ndetse n’abikorera ku giti cyabo haba mu bijyanye n’amategeko, n’uburyo ndetse iri hame rigenda rihuzwa n’ubuzima busanzwe bwa buri munsi bw’abanyagihugu, avuga ko n’ubwo urugendo rugihari ko ariko u Rwanda rwishimira aho rugeze rufishijwemo na Perezida wa Repubulika y’u Rwanda Paul Kagame.

Yifashishije zimwe mu mbwirwaruhamwe mpuzamahanga Kagame yavuze akangurira isi guhagurukira kwimakaza ihame ry’uburinganire n’ubwuzuzanye, hatanzwe nka gahunda yamenyekanye cyane ku isi yiswe HEFORSHE yagizwemo uruhare rukomeye na Perezida Kagame, kandi igenda itanga umusaruro ku isi hose ndetse no mu gihugu cy’u Rwanda, aho uburinganire n’ubwuzuzanye bitakiri ikibazo kireba abagore gusa, ahubwo byanahagukiwe ndetse binagirwamo uruhare na buri wese.

Madamu Kayitesi Katabarwa Judith,Umuyobozi wa Africa New life Ministries,Umuryango uharanira kuzamura ihame ry’Uburinganire n’Ubwuzuzanye mu Rwanda

Inama irasozwa kuri uyu wa Gatandatu abayitabiriye basura ubwiza nyaburanga butatse u Rwanda.

Abitabiriye iyi nama