Umukinnyi wa Filime w’icyamamare,Bruce Willis w’imyaka 67,yahagaritse gukina filimi kubera uburwayi bwa Aphasia butamworoheye.
Umuryango wa Bwana Willis watangaje ko uyu mukinnyi asezeye muri uyu mwuga nyuma yo gufatwa na Aphasia, indwara y’ururimi iterwa no kwangirika k’ubwonko bigira ingaruka ku bushobozi bw’umuntu bwo kuvuga.
Abagize umuryango wa Willis bashyize ahagaragara itangazo rihuriweho ku mbuga nkoranyambaga batangaza ko uyu mukinnyi yahagaritse uyu mwuga.
Iri tangazo rigira riti: (...)

Sponsored Ad

Umukinnyi wa Filime w’icyamamare,Bruce Willis w’imyaka 67,yahagaritse gukina filimi kubera uburwayi bwa Aphasia butamworoheye.

Umuryango wa Bwana Willis watangaje ko uyu mukinnyi asezeye muri uyu mwuga nyuma yo gufatwa na Aphasia, indwara y’ururimi iterwa no kwangirika k’ubwonko bigira ingaruka ku bushobozi bw’umuntu bwo kuvuga.

Abagize umuryango wa Willis bashyize ahagaragara itangazo rihuriweho ku mbuga nkoranyambaga batangaza ko uyu mukinnyi yahagaritse uyu mwuga.

Iri tangazo rigira riti: "Ku bafana badasanzwe ba Bruce, nk’umuryango we twifuje kubasangiza ko Bruce dukunda yagiye ahura n’ibibazo by’ubuzima kandi akaba aherutse gufatwa n’indwara ya Aphasia, ibyo bikaba bigira ingaruka ku bushobozi bwe bwo kumenya.Kubera iyo mpamvu no gusuzuma neza,Bruce avuye mu mwuga wari usobanuye byinshi cyane kuri we.”

Iri tangazo rikomeza rigira riti: "Iki ni igihe kitoroshye ku muryango wacu kandi turashimira cyane urukundo rudasanzwe, impuhwe n’inkunga muri kudutera.Turimo tunyura muri ibi bihe nk’umuryango ukomeye kandi wunze ubumwe, kandi turashaka kubizanamo abafana be kuko tuzi icyo asobanuye kuri mwe, nkuko mubimukorera. Nkuko Bruce ahora abivuga, ’Live it up’ kandi twese hamwe turateganya kubikora. ”

Zimwe muri film za Bruce Willis zakunzwe harimo The Last Boy Scout (1991), Pulp Fiction (1994), 12 Monkeys (1995), Last Man Standing (1996), The Fifth Element (1997), Armageddon (1998), The Sixth Sense (1999), Hart’s War (2002), Tears of the Sun (2003), Hostage (2005), Lucky Number Slevin (2006), Surrogates (2009), Moonrise Kingdom (2012), Rock the Kasbah (2015),Motherless Brooklyn (2019).

Umwuga wo gukina Flimi,Bruce Willis yawutangiye mu ntangiriro ya za 1980,aho yagaragaye muri filime nka “The Verdict” ya Sidney Lumet.

Ubuhanga bwe mu gukina filimi bwatangiye nyuma y’aho agaragaye ahanganye muri filimi imwe na Cybill Shepherd mu yitwa“Moonlighting ” ndetse no gukina ari John McClane muri firime yo kurwana yo muri 1988 yiswe “Die Hard,” yakunzwe cyane.

Mu myaka 40 Bruce Willis amaze akina filimi,izo yagaragayemo zose zinjije miliyari zisaga 5 z’amadorari ku isi.

Yahyizwe mu bahatanira ibikombe bya Golden Globes inshuro eshanu (yegukana kimwe muri filimi “Moonlighting”) n’ibya Emmy inshuro 3 (yatsindiye igihembo kimwe muri filimi “Moonlighting” n’ikindi muri filimi “Friends”yajemo nk’umushyitsi).