Umunya Uganda witwa Roger Bright Ruyondo ukora mu bijyanye n’ubujyanama mu bukerarugendo mu bigo nka Floras & Fauna na Travelnet Tours and Travels aheruka kurushinga n’umukunzi we Ruth Rich ukora muri Premier Credit Limited.
Bombi bavuga ko ubucuti n’amasengesho aribyo shingiro ry’urukundo rwabo rwabagejeje ku gushyingiranwa.
Roger Bright Ruyondo na Ruth Rich bahuriye bwa mbere muri Mbale Country Resort mu birori byari byahurije hamwe abantu bahuriye mu rubuga rwa WhatsApp rwa Histouch. (...)

Sponsored Ad

Umunya Uganda witwa Roger Bright Ruyondo ukora mu bijyanye n’ubujyanama mu bukerarugendo mu bigo nka Floras & Fauna na Travelnet Tours and Travels aheruka kurushinga n’umukunzi we Ruth Rich ukora muri Premier Credit Limited.

Bombi bavuga ko ubucuti n’amasengesho aribyo shingiro ry’urukundo rwabo rwabagejeje ku gushyingiranwa.

Roger Bright Ruyondo na Ruth Rich bahuriye bwa mbere muri Mbale Country Resort mu birori byari byahurije hamwe abantu bahuriye mu rubuga rwa WhatsApp rwa Histouch.

Abanyamuryango b’iri tsinda basabwe guhurira kugira ngo basangire ndetse bamenyane.

Abayobozi biri tsinda bahurije hamwe abantu batandukanye kandi Roger yatumiwe n’inshuti.

Rogers agira ati: "Ntabwo nashoboraga kwirengagiza igikundiro cya Ruth nubwo icyo gihe ntari nshishikajwe n’urukundo."

Rogers yabonye nimero z’abantu bose bitabiriye ibirori ariko byari bigoye kubona iya Ruth nubwo yamusobanuriye ko guhuza byari ngombwa ku bantu bose bitabiriye iryo huriro.

Ruth agira ati: "Nagize ubwoba kuko Roger yavugaga cyane nyamara njye mvuga gake, sinashakaga kuvuga cyane."

Icyakora Roger yakomeje gukubita inzu ibipfunsi kugira ngo abashe kuvugana na Rush ndetse yashatse ubundi buryo.

Roger agira ati: "Nyuma yaho, twerekeje ku gufata ifoto, maze mba gafotozi.Hafi ya bose bakoresha terefone yanjye kubera camera yayo nziza."

Mugezeho [Ruth]yabanje kwanga ariko, nyuma yaje kubyakira kuko abantu bose bashakagaifoto ya Roger.

Ruth agira ati: “Nashimishijwe n’ubushake abantu bagaragaje kuko bashimye camera ye n’amafoto yabo, amaherezo musaba ayanjye.”

Amaze gufata amafoto, Roger yasabye Ruth kumuha nimero kugira ngo amwoherereze amafoto ariko, arabyanga.

Bagarutse mu rugo,Roger yiyemeje kugenzura abantu bose niba bageze amahoro mu rugo gusa ntiyari afite nimero ya Ruth.

Yaravuze ati: “Icyakora, nagiye kureba muri nimero zose zongeweho mbona izina Ruth Rich kandi nari nzi ko ari we.”

Yaramuhamagaye ariko yari akonje, aramusubiza ati: "Urakoze kunyitaho" arakupa.

Nyuma y’iminsi itatu, yamwandikiye kuri WhatsApp ariko igisubizo cye cyari ’hey’,gusa ntiyongera.

Roger yakunze gutuza kwa Ruth, umwihariko we kandi yashakaga kugirana

ubucuti na we. Bakomeje kohererezanya ubutumwa nubwo Ruth yasaga nk’utabyishimiye.

Agira ati: “Buri munsi, nasuzumaga uko yaramutse ndetse kumuvugisha kenshi kwanjye kwatumye ansubiza neza.”

Nyuma y’ukwezi kumwe, yatangiye kumwitaho nawe nk’inshuti. Igihe cyose naramubwiraga nti mukundwa "dear",akansubiza ati: "Kuki unyita gutyo?" Ariko uko ibihe byagiye bisimburana, yansubije neza, bimpa ibyiringiro byinshi. ”

Nyuma y’amezi ane Roger yatumiye Ruth ngo basangire ikawa kandi yubashye ubutumire.

Ati: "Yaje yambaye imyenda y’akazi kandi yashyizemo n’ubwenge cyane kuko kwari uguhura ntabwo kwari ugusohokana.

Roger ati "Muri uko guhura twasangiye amabanga yimbitse ariko ntiyigeze avuga ku mibereho ye."

Yongeyeho ati: "Ndamwibuka ambwira ko ari impfubyi abana na murumuna we kandi ntacyo azi ku isi kandi mbona arababaye."

Icyumweru kimwe, yongeye kumutumira ariko kuri iyi nshuro, nawe yaje yambaye nk’usohotse, ariko atuje cyane.

Roger yakomeje ati“Igihe nari ngiye kugenda, namubwiye ko nifuza kumubera inshuti ubuziraherezo. Yarashubije ati, ’niba tugomba kuba inshuti amasengesho agomba kuba hagati y’ubucuti bwacu’. ”

Ruth agira ati: "Nasenze nsaba ko Imana impishurira niba Roger ari umuntu w’inzozi zanjye kandi yarabyemeje."

Aba bombi bihaye ukwezi ko kubisengera kuko bifuzaga ko Imana iha imigisha umubano wabo.

Amaherezo baje gukundana byimbitse ndetse ikinyamakuru Wedding cyashyize hanze amafoto y’ubukwe bwabo.