Umwongerezakazi ukomoka muri Kenya,Rehema Muthamia,ari kuvugwa cyane mu Bwongereza nyuma y’aho yegukanye iikamba rya Miss World England 2021, akaba agiye guserukira iki gihugu muri Miss World 2021.
Muthamia, uba ahitwa Mill Hill yatsinze abandi 42 bari bahanganye na we muri iryo rushanwa rya Miss England 2021, mu birori byabereye mu mujyi wa Coventry, ku wa 27 z’ukwezi kwa munani.
Muthamia azaba azaba afite ibendera ry’Ubwongereza mu irushanwa rya Miss world rizabera mu mu mujyi wa San Juan, (...)

Sponsored Ad

Umwongerezakazi ukomoka muri Kenya,Rehema Muthamia,ari kuvugwa cyane mu Bwongereza nyuma y’aho yegukanye iikamba rya Miss World England 2021, akaba agiye guserukira iki gihugu muri Miss World 2021.

Muthamia, uba ahitwa Mill Hill yatsinze abandi 42 bari bahanganye na we muri iryo rushanwa rya Miss England 2021, mu birori byabereye mu mujyi wa Coventry, ku wa 27 z’ukwezi kwa munani.

Muthamia azaba azaba afite ibendera ry’Ubwongereza mu irushanwa rya Miss world rizabera mu mu mujyi wa San Juan, muri Puerto Rico,ku wa 16 Ukuboza uyu mwaka.

Muthamia yavukiye mu Bwongereza ku babyeyi bombi b’abanya Kenya,akiri umwana yabaga muri Kenya.

Nyuma yahavuye asubira mu Bwongereza aho abana na nyirakurumu karere ka Luton Bedfordshire.

Muthamia avuga indimi 4, akaba abyina n’imiziki yo mu bwoko bwa salsa na bachata.

Mu kwa kabiri uyu mwaka, yatsindiye irushanwa ryiswe Miss All African Colours England, ryatangijwe mu ntumbero yo gukomeza ubudasa mu irushanwa rya Miss England.

Iri rushanwa rishya ryatangijwe na Miss England, mu ntumbero yo kwifatanya na ya nkundura yo kurwanira uburenganzira bw’abirabura yatangiriye muri Amerika,Black Lives Matter, mu buryo bwo kwishimira umurage ukomeye w’umugore mu Bwongereza.

Rehema w’imyaka 35 yize muri kaminuza ya University of Sussex ndetse yahawe iri kamba mu birori byabereye Coventry kuwa Gatanu w’icyumweru gishize.

Uyu mukobwa asimbuye uwitwa Dr Bhasha Mukherjee wari umaranye ikamba imyaka 2 kuko umwaka ushize iri rushanwa ritabaye kubera Covid-19.

Uyu mukobwa yavuze ko azakoresha ijwi rye mu gufasha abagore bahohoterwa nabo bashakanye cyangwa se abo bakundana ndetse ngo nawe byamubayeho.