Abisilamu babarirwa muri za miliyoni bageze muri Arabiya Sawudite mu rugendo rw’isengesho rya Hija 2026, bakaba batangiye kwerekeza mu gace ka Mina.

Nk’uko ibiro ntaramakuru bya AFP bibitangaza, umuyobozi w’ingabo za Arabiya Sawudite zishinzwe pasiporo za Hajj, Saleh bin Saad Al-Murba, yatangaje ku wa 22 Gicurasi 2026,abisilamu barenga miliyoni 1.5 bageze muri Arabiya Sawudite mu rugendo rwa Hajj.

Abategetsi ba Arabiya Sawudite bavuze ko imyiteguro yose ya Hajj yarangiye, hakaba harafashwe ingamba zidasanzwe zo guha abashyitsi serivisi zikenewe mu mijyi mitagatifu ya Macca, Mina, Arafat n’ahandi hantu hatagatifu hi idini ya Islamu.

Igihugu cyavuze ko cyakoze imyiteguro ihagije yo gutanga serivisi z’ubuzima, ubwikorezi, n’inyigisho za Islam mu ndimi zitandukanye.

Minisiteri y’Ubuzima ya Arabiya Sawudite yavuze kandi ko ku nshuro ya mbere uyu mwaka, indege za drone zizakoreshwa mu gutanga serivisi z’ubuvuzi ku bayoboke b’idini rya Islam bazitabira Hijja.