skol

Kagame Charles yashyize hanze indirimbo yitwa ‘Abanyuzwe’ yunganira iyitwa ‘Amakuru’ yakunzwe na benshi

Ubuzima   Yanditswe na: Dusingizimana Remy 4 November 2021

Umuhanzi uri mu bagezweho mu muziki wo guhimbaza Imana, Kagame Charles, yasohoye indirimbo nshya yise ‘‘Abanyuzwe’’; ni nyuma y’amezi asaga icyenda ashyize hanze iyitwa “Amakuru’’ yakunzwe cyane.


Kagame Charles asengera mu Itorero ‘Lifehouse Church’ ribarizwa mu Mujyi wa Coffs Harbour muri Australia ndetse ni naho akorera ivugabutumwa rinyuze mu ndirimbo.

Uyu muhanzi wongeye kugaruka mu muziki wo guhimbaza Imana, yasohoye indirimbo “Uranyuzwe’’ yakozwe mu buryo bw’amajwi na Boris na Nicholas mu gihe amashusho yayo yatunganyijwe na Musinga.

Kagame Charles yabwiye itangazamakuru ko indirimbo ye nshya y’amashusho yayinyujijemo ubutumwa busaba abantu kunyurwa n’uko Imana yabaremye.

Ati “Ubutumwa burimo ni ububwira abantu ko bakwiye kunyurwa n’ibyo Imana yabahaye. Hari abandi batabifite kandi babyifuza. Ni ingenzi kunyurwa n’ibyo Imana yaduhaye.’’

Yasobanuye ko abantu badakwiye kwiganyira ahubwo ari ingenzi ‘‘kunyurwa n’ibyo Imana yaduhaye.’’

Ati “Nizeye ko iyi ndirimbo izakirwa neza. Hari abantu numva Imana yateganyije ko izabagirira umumaro. Abakunzi b’umuziki uhimbaza Imana nabasaba gukomeza kudusengera no kutuba hafi mu murimo w’ivugabutumwa turimo.’’

Kagame Charles avuga ko indirimbo ye “Amakuru’’ yazamuye izina rye ayifata nk’imfura ye kuko ‘yamubereye iy’amateka’ bitewe n’uburyo yakiriwe.

Ati “Ni indirimbo nanditse, nyikora muri studio iratinda ariko nyisohoye abantu barayikunze, bampa ubutumwa. Ndashima Imana cyane. Ni indirimbo ivuze ikintu kinini kuri njye.’’

Afite imishinga itandukanye yo gukora indirimbo zizaba ziri kuri album azasohora mu minsi iri imbere. Yasoje gukora indirimbo mu buryo bw’amajwi, ubu aritegura kuzitunganya mu mashusho.

Kagame Charles ni umwe mu bahanzi babarizwa muri Moriah Entertainment Group ibarizwamo abandi bahanzi b’amazina akomeye mu muziki uhimbaza Imana barimo Gahongayire Aline, Patient Bizimana, Gaby Kamanzi, Richard Ngendahayo, Kanuma Damascène, Umurundi Fortran Bigirimana n’abandi.

Uyu muhanzi amaze gushyira hanze indirimbo enye zirimo “Ahindura ibihe”, “Tubagarure”, “Ntuzibagirwe”, “Naragukunze” na “Amakuru’’ aheruka gusohora.

Reba Indirimbo "Abanyuzwe" ya Kagame Charles




Umuhanzi Kagame Charles ukomeje guhembura imitima ya benshi mu muziki wo kuramya no guhimbaza Imana

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

’Abanze kwitandukanya n’abacengezi bose barishwe’-Amagambo yatumye Pasiteri...

Umuvugabutumwa umaze kumenyekana cyane mu Rwanda, Pasiteri Michel...
3 November 2021 1

Nyabihu: Pasiteri yataye umugore n’abana be 4 ajya gusezerana n’undi...

Umupasiteri wo mu itorero rya Zion Temple witwa Ntacyobazantwara Jean...
3 October 2021 0

Bishop Harerimana yashimye Imana kubera ibitangaza yakoze mu masengesho...

Bishop Harerimana Jean Bosco yanyuzwe n’umusaruro wavuye mu masengesho...
27 September 2021 0

Pasiteri Ndayizeye Isaïe yatorewe kuyobora ADEPR mu myaka 6 iri...

Pasiteri Ndayizeye Isaïe wari uyoboye ADEPR mu nzibacyuho,kuri uyu wa...
26 September 2021 0

Abanyarwanda baba mu mahanga bagiye kongera guhurira mu giterane “Rwandan...

Abanyarwanda baba mu mahanga bagiye guhurira mu giterane “Rwandan Christian...
19 August 2021 0

Nyamagabe: Abanyamadini bahaye abari muri guma mu rugo ibiribwa bifite...

Kuri uyu wa 06 Kanama 2021,akarere ka Nyamagabe kakiriye inkunga y’ibiribwa...
6 August 2021 0