skol

Ubuyobozi bwa Islamu mu Rwanda bwakuye urujijo ku ihagarikwa rya Adhana mu gitondo

Ubuzima   Yanditswe na: Dusingizimana Remy 15 March 2022

Umuryango w’Abayisilamu mu Rwanda,RMC, yamenyesheje abayislamu ko umuhamagaro wo kwitabira iswala (Adhana) utahagaritswe, uretse ku misigiti umunani gusa yo mu mujyi wa Kigali.

Mu gitondo cyo kuwa Mbere, tariki ya 14 Werurwe hatangiye gukwirakwira amakuru avuga ko hari Abayislamu bazindukiye ku misigiti nk’uko bisanzwe,bahasanga Polisi n’abayobozi babo, ari nabwo babuzwaga gukoresha indangururamajwi.

Ku mbuga nkoranyambaga nabwo ibi bibazo byakomeje kuzamurwa, aho bamwe babajije Polisi impamvu y’iki cyemezo, dore ko atari n’ubwa mbere gifatwa kuko byigeze gukorwa mu Murenge wa Nyarugenge mu 2018.

Polisi yatangaje ko uyu muhamagaro uteza urusaku, bityo irawuhagarika, gusa ntibikuraho amasengesho ya mu gitondo.

Mu itangazo ryanyujijwe ku rubuga rwayo rwa Twitter, riragira riti “Iyo hari ibikorwa biteza urusaku rubangamira abaturage birahagarikwa nk’uko biteganywa mu itegeko nomero 68/2018 ryo ku wa 30 Kanama 2018 mu ngingo yaryo ya 267. Ni muri urwo rwego imisigiti yo mu Mujyi wa Kigali yabujijwe guteza urusaku.”

Mufti w’u Rwanda,Sheikh Salim Hitimana,yavuze ko ibivugwa ko Adhana ya mu gitondo yahagaritswe atari byo ahubwo byabaye ku misigiti 8 gusa yo mu mujyi wa Kigali kandi ngo yabimenyeshejwe by’Umwihariko.

Yavuze ko iyi Iswala itazajya ikorwa n’indangururamajwi nkuko byari bisanzwe ariko ahandi bizakorwa nta kibazo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyuma y’imyaka 2 Abahamya ba Yehova bagiye Gusubira guteranira Mu nsengero...

Abayoboke b’Umuryango w’Abahamya ba Yehova, bwa mbere mu myaka ibiri ishize...
15 April 2022 1

Abahanzi barimo Islael Mbonyi bifatanyije n’abarenga 100 bazerekeza Islael...

Islael Mbonyi yifatanyije n’abarenga 100 baturuka mu bihugu bitandukanye mu...
14 April 2022 0

Perezida Ndayishimiye yakiriye Karidinali Antoine Kambanda wasuye u...

Perezida Evariste Ndayishimiye w’u Burundi yakiriye Karidinali Antoine...
17 March 2022 1

Ubuyobozi bwa Islamu mu Rwanda bwakuye urujijo ku ihagarikwa rya Adhana mu...

Umuryango w’Abayisilamu mu Rwanda,RMC, yamenyesheje abayislamu ko...
15 March 2022 0

Bamwe mu bayoboke b’idini ya Isilamu barasaba ko gutora Adhana mu ijwi...

Bamwe mu bayoboke b’idini ya Islam bo mu mujyi wa Kiigali bababajwe...
15 March 2022 0

Kigali: Abayisilamu batunguwe no kubuzwa gutora Adhana mu ndangururamajwi...

Mu Rukerera rwo muri iki gitondo cyo kuri uyu wa mbere abayisilamu bo hirya...
14 March 2022 0