Abakozi bo mu ruganda runini rwa iPhone mu Bushinwa basimbutse igipangu cy’ikigo babagamo nyuma y’uko inzara ibishe bari muri Guma mu rugo.
Kubera ingamba zikomeye za Covid zafashwe mu gace uru ruganda rurimo, abakozi barwo barufungiwemo ntibemererwa kujya hanze byatumye bamwe inzara ibica.
Amashusho yerekanye byibuze abakozi icumi basimbuka uruzitiro,bajye hanza y’uruganda rukomeye rwa Foxconn Technology Group ruri I Zhengzhou mu gihe havugwamo amakimbirane.
Uru ruganda rwashyize (…)

Abakozi bo mu ruganda runini rwa iPhone mu Bushinwa basimbutse igipangu cy’ikigo babagamo nyuma y’uko inzara ibishe bari muri Guma mu rugo.

Kubera ingamba zikomeye za Covid zafashwe mu gace uru ruganda rurimo, abakozi barwo barufungiwemo ntibemererwa kujya hanze byatumye bamwe inzara ibica.

Amashusho yerekanye byibuze abakozi icumi basimbuka uruzitiro,bajye hanza y’uruganda rukomeye rwa Foxconn Technology Group ruri I Zhengzhou mu gihe havugwamo amakimbirane.

Uru ruganda rwashyize abakozi barwo hamwe bategekwa kudasohoka nyuma yuko muri kariya karere hagaragaye ibibazo bike bya Covid.

Ibi bivuze ko abakozi basaga 200.000 b’uru ruganda babujijwe kuva mu kigo kuva icyo gihe.

Icyakora, mu minsi yashize havuzwe ko ibintu byifashe nabi ndetse amakuru avuga ko abakozi barwanira ibiryo kubera amakimbirane ashingiye ku kugaburirwa.

BBC ivuga ko ubu, abakozi biyemeje guhunga inkambi kubera ko irimo “akajagari.”

Mu mashusho amwe yasangijwe ku mbuga nkoranyambaga zo mu Bushinwa, abakozi bagaragaye bahunga bava mu kato banyuze ku ruzitiro.

Abari imbere bavuga ko benshi batangiye urugendo rurerure basubira mu mijyi yabo mu rwego rwo kwirinda gufatirwa mu kavuyo k’imodoka rusange.