Umugore n’umugabo bahuye n’uruva gusenya ku munsi w’ubukwe bwabo nyuma y’aho aho bari bakodesheje kubukorera hari hegeranye n’abakoze ikirori cyo kwambara ubusa hejuru.
Natalie Rhodes w’imyaka 40 yifuzaga ubukwe bw’inzozi,ariyo mpamvu yafashe umwanzuro wo kubukorera muri Malta bumutwara akayabo k’ibihumbi 6000 by’amapound arenga miliyoni 6 FRW.
Ariko yavuze ko byarangiye ubaye "umunsi mubi mu buzima bwe" nyuma y’uko abambaye ubusa bavangiye ibirori byabo.
Ikigo cya Perfect Weddings Abroadcyari (...)

Sponsored Ad

Umugore n’umugabo bahuye n’uruva gusenya ku munsi w’ubukwe bwabo nyuma y’aho aho bari bakodesheje kubukorera hari hegeranye n’abakoze ikirori cyo kwambara ubusa hejuru.

Natalie Rhodes w’imyaka 40 yifuzaga ubukwe bw’inzozi,ariyo mpamvu yafashe umwanzuro wo kubukorera muri Malta bumutwara akayabo k’ibihumbi 6000 by’amapound arenga miliyoni 6 FRW.

Ariko yavuze ko byarangiye ubaye "umunsi mubi mu buzima bwe" nyuma y’uko abambaye ubusa bavangiye ibirori byabo.

Ikigo cya Perfect Weddings Abroadcyari cyasezeranyije Natalie gutegura ubukwe bwe mu buryo bw’agatangaza kuwa 26 Kanama uyu mwaka ndetse nawe yizera ko biri mu biganza byiza gusa yatunguwe no gusanga asangiye agace n’abakoze ibirori bambaye ubusa hejuru

Uyu mugore ukomoka ahitwa Rochdale muri Greater Manchester,yaguye mu kantu ndetse biramubabaza ubwo yisangaga muri iyo mimerere.

Yavuze ko aho bari bakodesheshe bari bahahuriye n’aba bantu ndetse ikirori cyaba cyari cyitabiriwe n’abagera kuri 150 bari bambaye ubusa hejuru.

Uyu mugore yabwiye The Mirror ati:"Twahisemo kujya gukorera ubukwe mu mahanga kandi ibyerekeye ubukwe gusa byari byadutwaye ibihumbi 6000 by’amapawundi kandi twari twasezeranyijwe ko tuzabukorera ku mucanga.

Habura iminsi ibiri ngo ubukwe bube,umuntu wari aho tuzabukorera yatubwiye ko tazasangira agace n’abandi bantu biradutungura.

Twari kumwe n’abaje mu birori bambaye ubusa hejuru kandi twari kumwe n’abana bato...

Ntekereza ko baba barishyuye ibihumbi 50 by’amapawundi ariko ntabwo bagombaga kutwicira ibirori.Bavuze ko bari baguze ubukwe bwacu.

Bari barutse ahantu hose.Umwana wanjye yagiye mu bwiherero agaruka yuzuyeho umwanda kubera ko bari barutse ahantu hose.

Natalie n’umugabo we w’imyaka 38,Adam Butterworth bari bamaze imyaka myinshi bategura ubu bukwe.

Bafite umwana w’imyaka 8,barabuteguye ariko busubikwa kubera ko biteguraga uwa kabiri hanyuma igihe babushyizeho bugongana na Covid-19.Bahisemo kubukora abana bamaze kuba bakuru.

Uyu mugore avuga ku gahinda yatewe n’ubukwe bwagenze nabi,yagize ati "Baturushaga ubwinshi kuko bari 150.Imiziki yabo yarasakuzaga cyane...Niwo munsi mubi cyane nagize mu buzima bwanjye.