Umwamikazi Elizabeth II uheruka gutanga yari umufana w’ikipe ya Arsenal ndetse niyo kipe rukumbi yatumiwe mu ngoro ye ya Buckingham Palace akiriho.
Nyiricyubahiro umwamikazi yatumiye ikipe ya Arsene Wenger mu ngoro ya Buckingham muri 2007 nyuma yo kutabasha kujya gufungura ku mugaragaro sitade ya Emirates ubwo yari yuzuye.
Umunyabigwi wa Arsenal, Thierry Henry,niwe wabwiraga Umwamikazi bagenzi be n’ibihugu bakomokamo.
Muri Video yafashwe kuri uwo munsi yasangijwe kuri Twitter, Walcott (...)

Sponsored Ad

Umwamikazi Elizabeth II uheruka gutanga yari umufana w’ikipe ya Arsenal ndetse niyo kipe rukumbi yatumiwe mu ngoro ye ya Buckingham Palace akiriho.

Nyiricyubahiro umwamikazi yatumiye ikipe ya Arsene Wenger mu ngoro ya Buckingham muri 2007 nyuma yo kutabasha kujya gufungura ku mugaragaro sitade ya Emirates ubwo yari yuzuye.

Umunyabigwi wa Arsenal, Thierry Henry,niwe wabwiraga Umwamikazi bagenzi be n’ibihugu bakomokamo.

Muri Video yafashwe kuri uwo munsi yasangijwe kuri Twitter, Walcott yayivuzeho ati: "Ndibuka neza ibi."

Uwahoze ari myugariro wa Arsenal, Eboue yatumye Umwamikazi aseka ubwo yamusabaga akazi ko kwita ku mbwa ze.

Yatangarije The Telegraph muri 2016 ati: “Twagiyeyo Thierry Henry arambwira ati: ’Nyamuneka, Emmanuel, iyi ni Ingoro ya Buckingham, ni inzu y’Umwamikazi, ntugire icyo ukora.’

Naramusubije nti: ’’ Nta kibazo. ’ ’Ntugire ubwoba.’ Umwamikazi rero yarinjiye agenda asuhuza n’ukuboko buri mukinnyi.

Amaze kurangiza mbona imbwa ze zose ndavuga nti:" Madamu, Madamu"

yahise ahindukira arambaza, ati ’umeze ute?’ Nanjye nti: ’Madamu, meze neza urakoze ariko, ndakwinginze, sinshaka gukomeza gukina umupira w’amaguru.

Ndashaka kwita ku mbwa zawe. Ndashaka kuzijyana gutembera, kuzoza, kuzigaburira. Ndashaka kwita ku mbwa.

Umwamikazi, mvugishije ukuri, yarasetse. Igikomangoma Philip na we yarasetse. Ikipe yose yarasetse. ”

Urugendo rwa Arsenal mu ngoro ya Buckingham rwongeye kugaragara nyuma y’urupfu rw’umwamikazi Elizabeth wa II.

Urupfu rwe rwemejwe ku wa kane,tariki 8 Nzeri n’Umuryango w’ibwami.