Pasiteri Uche Aigbe wo mu itorero House on the Rock ryo mu mujyi wa Abuja,yaje kubwiriza ku cyumweru gishize, ahetse imbunda ya AK-47 bitera urunturuntu mu bayoboke be.
Uyu agitangira yabwiye abayoboke be ko iyi mbunda igomba kumufasha kubagezaho ubutumwa yateguye uwo munsi.
Polisi ya Nigeria ivuga kuri aka gashya k’uyu mupasiteri,yemeje ko ikora iperereza.
Nkuko babyamamaje kuri Facebook,uru rusengero kuwa Gatandatu rwari rwavuze ko ijambo pasiteri azana ku munsi ukurikiyeho rifite (...)

Sponsored Ad

Pasiteri Uche Aigbe wo mu itorero House on the Rock ryo mu mujyi wa Abuja,yaje kubwiriza ku cyumweru gishize, ahetse imbunda ya AK-47 bitera urunturuntu mu bayoboke be.

Uyu agitangira yabwiye abayoboke be ko iyi mbunda igomba kumufasha kubagezaho ubutumwa yateguye uwo munsi.

Polisi ya Nigeria ivuga kuri aka gashya k’uyu mupasiteri,yemeje ko ikora iperereza.

Nkuko babyamamaje kuri Facebook,uru rusengero kuwa Gatandatu rwari rwavuze ko ijambo pasiteri azana ku munsi ukurikiyeho rifite insanganyamatsiko igira iti "Mu burinzi bwawe,Guma mu kwizera,ba umunyamurava,komera."

Pasiteri Aigbe yatangiye ikibwiriza cye avuga ko yaje yiteguye guhangana n’ibyago byose hanyuma akomeza aburira abayoboke be kwirinda abigisha b’ibinyoma babeshya rubanda bitwaje ubuhanuzi.

Ati "Hari abapasiteri bakorera munsi y’imyuka mibi....Bashobora kukureba bakakubwira ahahise hawe,ibyabaye mu myaka myinshi yashize ku muryango wawe ugatekereza ko ari ubuhanuzi.

N’abantu bangahe mu bihe bya Yesu yabwiye ahahise habo?.Hari ibintu bitajyanye n’ivugabutumwa.Imana si umumaji kandi ntikoresha ahahise hawe ngo ikuyobye.Niyo mpamvu dukwiriye gufata imbunda zacu tukarwanira ukuri."

Nubwo bitazwi niba iyi mbunda yari irimo amasasu,Polisi ya Nigeria yemeje ko nyuma y’ibi irakora iperereza kuri uyu mupasiteri.

Umuvugizi wa Polisi,Olumuyiwa Adejobi yavuze ko imbunda za AK-47 ziri mu ntwaro zibujijwe gutungwa muri Afurika y’Iburengerazuba kandi abasirikare babyemerewe aribo bemerewe kuzitunga.

Mu butumwa bwinshi yanyujije kuri Twitter,Adeboji yavuze ko ibyabaye biteye agahinda ndetse iki kirego cyoherejwe mu bayobozi bakuru kugira ngo gisuzumwe.