skol
Kigali

Ruhango: Umugore yariwe akayabo n’ikiryabarezi arasara amenagura ibirahuri by’inzu gikinirwamo

Ubuzima   Yanditswe na: Dusingizimana Remy 24 December 2021

Umugore wo mu karere ka Ruhango ucuruza avoka yahuye n’uruva gusenya ubwo yari avuye muri ako kazi ajya gukina ikiryabarezi kimara amafaranga ye niko kunanirwa kubyihanganira ateragura amabuye ku nzu ikinirwamo icyo kiryabarezi.

Nkuko amakuru dukesha BTN abitangaza,mu gitondo cyo kuwa Gatatu,uyu mugore yabyutse ajya gucuruza Avoka,ahitira mu nzu ikinirwamo ikiryabarezi mu mujyi wa Ruhango aribwo yariwe amafaranga menshi.

Ubwo byari bigeze saa yine z’ijoro ryo kuri uwo munsi,uyu mugore yabonye aheraniwe niko gufata amabuye atangira kumena ibirahuri by’iyi nzu ikinirwamo iyo mikino.

Umunyamakuru wa BTN dukesha iyi nkuru yavuze ko uyu mugore yabanje kugwatiriza telefoni umusore ukinisha iyo mikino arashirirwa,ajya gucuruza avoka,agarukana amafaranga yari yacuruje arashira.

Icyakora ngo yabaswe nuko rimwe na rimwe yaryaga ariko nyuma akaribwa birangira ashiriwe burundu niko kuguza ibihumbi 3000 FRW yerekeza iwe mu murenge wa Mbuye agurisha inkoko,ingurube n’urwagwa yari yahishije,agaruka gukina kugira ngo arye akayabo.

Umwe mu baturage yabwiye BTN ati "Batubwiye ngo yari afite 1800 FRW agishyiramo kirashira.Yari afite Telefoni irimo memory Card ayigwatiriza ibihumbi 3000 FRW kandi uko twabibonaga yagura 8000FRW."

Undi ati "Bamuriye kabisa.Nta mugozi bamushyizemo,nta n’uwamufashe ngo aze akine.Nta wamuteruye ngo aze akine.Iyo wishyiriye urupfu rurakwica.

Nkubu yagurishije amatungo,nta na make ashyiriye umugabo.Nta kamba bamushyizemo,iyo ubuze ubwenge n’Imana irakwanga."

Uyu mugore ngo amaze kuribwa yahise atangira kurira avuza induru ngo "umugabo wanjye aranyica" ndetse ni nabwo yataye umutwe atangira gutera amabuye inyubako ikinirwamo iyi mikino.

Polisi ikorera mu murenge wa Ruhango yahise ita muri yombi uyu mugore irangije ijya kumufunga nyuma yo guta umutwe kubera kuribwa.

Umukozi wa Bonanza ikinisha Ikiryabarezi yavuze ko uyu mugore atanyurwa kuko ngo yariye ibihumbi 15 FRW ananirwa kugenda ashaka menshi birangira ahuye n’uruva gusenya.

Ati "Yaje mu gitondo saa mbili afite ibasi irimo avoka ashyiramo 100 araribwa ahita ansaba ko muguriza amafaranga akayanyishyura amaze gucuruza.Ayo namugurije icyuma cyayariye ahita ajya gucuruza avoka.Arangije gucuruza yagarutse yanga kunyishyura ahubwo ayo yacuruje nayo arayakina arashira.

Nibwo yahise ambwira ati "nguriza amafaranga njye kukuzanira amafaranga yawe".Yagomboye telefoni yari yagwatirije.

Yagiye azana amafaranga menshi yagurishije ikibwana cy’ingurube.Aho kugira ngo atahe,yakomeje arakina icyuma kimuha ibihumbi 15 FRW.Amaze kubona ayo yashoye yanze gutaha ahubwo arakomeza arakina kugeza saa mbili na 45 z’ijoro ubwo twamubwiraga ko tugiye gufunga kuko amasaha yari ageze.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Menya ibintu 6 umugore akora akisenyera urugo atabizi

Hari ibintu umugore akora akabifata nk’ibyoroshye kandi ari kwisenyera...
15 January 2022 0

Musenyeri yajyanwe mu nkiko ashinjwa gusoma no gukorakora umugore w’abandi...

Joel Waweru, Umwepiskopi w’Itorero Anglican ryo muri Kenya arashinjwa...
14 January 2022 0

Umupasiteri yaciye ibintu kubera gusengera umusore mu iteraniro amusabira...

Umupasitori wo muri Nijeriya aherutse guteza impaka ku mbuga nkoranyambaga...
13 January 2022 0

Pasiteri yakatiwe urwo gupfa ashinjwa gutuka idini ya Islam

Umupasiteri w’Abaporotesitanti w’imyaka 58, Zafar Bhatti yakatiwe urwo gupfa...
13 January 2022 0

Imbwa yo mu rugo yariye umwana w’uruhinja ubwo nyina yari asinziriye hafi...

Iperereza ryemeje ko uruhinja rukivuka rwariwe cyane n’imbwa y’umuryango...
12 January 2022 0

Sobanukirwa ubwoko 6 bw’urukundo abantu bakundana-Ubushakashatsi

Usanga abantu benshi badakunda cyangwa se ngo bakundwe mu buryo bumwe...
12 January 2022 0