Kuri interineti hagaragaye videwo yerekana umugabo wihinduye nk’ufite ubumuga ajya kwiba kuri imwe mu modoka ku muhanda wa Mombasa.

Sponsored Ad

Mu mashusho y’iminota 2 yafashwe na kamera ya CCTV saa kumi n’ebyiri n’igice za mu gitondo ku wa kabiri, tariki ya 29 Kanama 2023, uyu mugabo yagaragaye yicaye mu kagare k’abamugaye maze ahagarara metero nkeya inyuma y’imodoka nyinshi ziparitse.

Amaze gusuzuma agace no gusuzuma icyamuzanye, yafashe igisa nk’igikapu maze ahaguruka mu kagare k’abamugaye yari yitwaje.

Yarebye hirya no hino,acunga ko ntawe umureba,hanyuma yerekeza ku modoka yashakaga kwiba.

Uyu mugabo wagendaga bigaragara ko afite ubumuga buke, yahise yerekeza ku modoka bigaragara ko ariyo mu bwoko bwa Nissan maze acomora ikintu ku ipine ry’ibumoso ahita yihutira gusubira mu igare rye.

Inshingano irarangiye, asahura iminyago imbere y’ibimuga bye maze agenda kure ya kamera.

Uyu yahise ashyira imbere igikapu cye hanyuma atwara igare rye aragenda.

Amashusho y’uyu mugabo ushinjwa ubujura yashyizwe hirya no hino ku mbuga nkoranyambaga by’umwihariko uwitwa SokoAnalyst kuri Twitter.