Ushinzwe kurinda inyamaswa witwa Oleg Zubkov ukomoka muri Ukraine yatunguye benshi mu batuye isi ubwo yafatwaga amashusho ari gukubita intare kambambiri ubwo zashakaga kwegera ba mukerarugendo.

Sponsored Ad

Uyu mugabo ukora muri pariki ya Tagan safari mu ntara ya Crimea muri Ukraine,yatangaje benshi mu batuye isi,kubera gukubitisha intare kambambiri zikamuhunga kandi ubusanzwe izi nyamaswa zizihwo kugira ubukana budasanzwe.

Ubwo izi ntare zegeraga aho imodoka ya mukerarugendo w’umukobwa yari ahagaze,uyu mugabo yahise akuramo urukweto rwe rwa kambambiri,atangira kuzikubita ziramuhunga.

Benshi banze kwemera ko bibaho,ariko kubw’aya mashusho yakwirakwiraga hirya no hino babashije kubyemera.

Ubwo yakuragamo urukweto rwe,izi ntare zatangiye kumuhunga ndetse agenda azikanga zireka kwegera uyu mukerarugendo.